LIVE: सूरतमधील हॉटेलमध्ये शिवसेनेचे ३० आणि दोन अपक्ष आमदार

एकनाथ शिंदे हे गुजरातमध्ये आहेत. आता भाजपचे राज्यातील प्रमुख नेतेही गुजरातकडे रवाना होत आहेत. रावसाहेब दानवे, कराड हे रवाना झाल्याचे कळते. सत्तास्थापनेसाठी जुळवाजुळव करण्याचे प्रयत्न सुरू असल्याची सूत्रांची माहिती आहे.

एकनाथ शिंदे यांच्या भेटीसाठी सूरतमधील हॉटेलात गेलेल्या मिलिंद नार्वेकर यांना सुरुवातीला अडवण्यात आले. या नाट्यानंतर अखेर नार्वेकर यांना हॉटेलात प्रवेश मिळाला. गेल्या २५ मिनिटांपासून नार्वेकर आणि शिंदे यांच्यात चर्चा सुरू असल्याचे कळते.

एकनाथ शिंदे नाराज असून, समर्थक आमदारांसह ते सूरतमध्ये आहेत. एकनाथ शिंदे आज संध्याकाळी राजीनामा देण्याची शक्यता आहे, अशी माहिती सूत्रांकडून देण्यात आली.

अभिजीत सोनवणे (प्रतिनिधी)

- एकनाथ शिंदे आणि समर्थक आमदारांना विमानाने अमित शहांकडे नेणार?- सूत्रांची साम टीव्हीला माहिती

- हॉटेल ली मेरिडियन सूरत विमानतळाजवळ असल्याने शिंदेंसह आमदारांना विमानाने अमित शहांच्या भेटीला नेण्याची शक्यता

- संजय कुटे गेल्या २ तासांपासून ली मेरिडियनमध्ये

- २ तासांपासून सुरूय शिंदे आणि कुटे यांच्यात चर्चा

- मिलिंद नार्वेकर शिंदेंच्या भेटीला येण्याआधीच शिंदे आणि आमदारांना अमित शहांच्या भेटीला नेण्याची भाजपची खेळी?

राजकीय हालचालींना वेग आला आहे. एकनाथ शिंदेंऐवजी अजय चौधरींना नियुक्तीचं पत्र देणार असल्याचे कळते. विधानसभा उपाध्यक्षांना ते पत्र देणार आहेत, अशी माहिती समजते.

गद्दारांचं करायचं काय, खाली डोकं वर पाय अशा घोषणा देत शिवसैनिकांनी एकनाथ शिंदेंच्या विरोधात घोषणाबाजी केली आहे.

महाराष्ट्र विधान परिषदेच्या निवडणुकीत क्रॉस व्होटिंग झाल्याचे बोलले जात आहे. पण गेल्या पन्नास वर्षात मी पाहिलं आहे की अनेकदा क्रॉस व्होटिंग होऊनही सरकार चाललंय. मात्र असे असतानाही आमच्या युतीत कोणताही फरक पडलेला नाही.

उद्धव ठाकरेंनी केला काँग्रेस राष्ट्रवादीच्या नेत्यांबरोबर संवाद

संघर्ष मला नवीन नाही, उद्धव ठाकरेंची भूमिका

काँग्रेसकडून एच के पाटील, कमलनाथ मुंबईत पोहोचणार, अशोक गेहलोत ही परिस्थितीवर लक्ष ठेऊन

काँग्रेस आमदारांचा दिल्ली दौरा रद्द सर्वांना सायंकाळी ७ पर्यंत मुंबईत पोहोचण्याचे निर्देश

राष्ट्रवादीकडून शरद पवार मैदानात

आम्ही बाळासाहेबांचे कट्टर शिवसैनिक आहोत... बाळासाहेबांनी आम्हाला हिंदुत्वाची शिकवण दिली आहे.. बाळासाहेबांचे विचार आणि धर्मवीर आनंद दिघे साहेबांची शिकवण यांच्याबाबत आम्ही सत्तेसाठी कधीही प्रतारणा केली नाही आणि करणार नाही' अस ट्विट एकनाथ शिंदे यांनी केले आहे. (Political crisis in Maharashtra)

शिवसेना नेते एकनाथ शिंदे यांना गटनेते पदावरुन हटवले आहे. शिवसेनेने आता अजय चौधरी यांना गटनेते पद दिले आहे. विधान परिषद निवडणुकीच्या निकालानंतर महाराष्ट्रातील राजकारण आज (मंगळवार) सकाळपासून ढवळून निघाले आहे.

शिवसेनेची वर्षा निवासस्थानी सुरू असलेली बैठक संपली आहे. शिवसेना नेते, खासदार या बैठकीला उपस्थित होते.

- महाविकास आघाडी सरकार स्थापन्यापूर्वीही अशीच बंडाळी उठली होती

- काही तरी मार्ग निघेल यावर माझा विश्वास आहे.

- सरकारची कामगिरी गेल्या अडीच वर्षांपासून उत्तम आहे

- शिंदेंची मुख्यमंत्री बनण्याची इच्छा आहे हे ठाऊक नव्हतं

- शिवसेनेचा हा अंतर्गत प्रश्न आहे

एकनाथ शिंदे यांच्याकडून ठाकरे सरकारला प्रस्ताव दिल्यानंतर, मुख्यमंत्र्यांनीही शिंदेंना प्रस्ताव दिला आहे. त्यानंतर त्यांचे विश्वासू मिलिंद नार्वेकर हे शिंदे यांच्याशी चर्चा करण्याची शक्यता सूत्रांनी व्यक्त केली आहे.

शिवसेनेचे आमदार नितीन देशमुख नॉट रिचेबल आहेत. देशमुख हे गुजरातला एकनाथ शिंदे यांच्यासोबत असल्याचे सांगितले जाते. पण देशमुख यांच्या पत्नी यांनी पोलीस ठाण्यात जाऊन ते बेपत्ता झाल्याची तक्रार दिली आहे. देशमुख हे अकोला जिल्ह्यातील शिवसेनेचे एकमेव आमदार आहेत.

मुख्यमंत्र्याचा प्रस्ताव घेऊन शिवसेना नेते सूरतला रवाना झाले असून, एकनाथ शिंदे मुख्यमंत्र्यांचा प्रस्ताव स्विकारणार का हे पाहणं महत्वाचं आहे.

एकनाथ शिंदें यांनी ठाकरे सरकारला प्रस्ताव पाठविला असल्याची माहिती समोर येत आहे. या प्रस्तावाद्वारे त्यांनी भाजपसोबत शिवसेनेने जावं आणि सरकार स्थापन करावं असा प्रस्ताव पाठवला आहे.

शिवसेना आमदार नितीन देशमुख यांना हृदयविकाराचा झटका आला असून त्यांच्यावरती सुरतच्या हॉस्पीटलमध्ये उपचार सुरु आहेत. देशमुख हे कालपासून एकनाथ शिंदे यांच्यासोबत सुरतमध्ये मुक्कामी होते.

राज्यातील राजकीय घडामोडींच्या पार्श्वभूमीवर शरद पवार दिल्लीहून मुंबईकडे रवाना झाले आहेत. पवार मुंबईला येत असल्याने आघाडीच्या सर्व नेत्यांना मुंबईत थांबण्याचे आदेश देण्यात आले आहेत.

गुजरातमध्ये सेनेच्या आमच्या आमदारांना अडकवून ठेवलं आहे. तिथे कोणाचं सरकार आहे हे सर्वांना ठाऊक आहे. गुजरातमधील हॉटेलच्या बाहेर ७ स्थरांची सुरक्षा ठेवली असून मुख्य रस्त्यावर येण्याचे रस्ते देखील घेरले आहेत. महाराष्ट्राला अस्थिर करण्याचा प्रयत्न गुजरातच्या भूमीवर सुरु असल्याचा आरोप संजय राऊत यांनी केला आहे.

संजय राऊत यांचा आज नियोजित दिल्ली दौरा होता. मात्र, मंत्री एकनाथ शिंदे यांच्या नाराजीनाट्यामुळे त्यांनी आपला आजचा दिल्ली दौरा रद्द केला आहे.

शिवसेनेसह महाविकास आघाडीकडून राजकीय हालचालींना वेग आला असून, एकनाथ शिंदे यांच्या संपर्कात कोण कोण आहे. याची माहिती ठाकरे सरकारकडून घेतली जात आहे.