विनायक मेटेंचा अपघात की घातपात ? शिवसेना खासदाराने केली 'ही' मागणी

'राज्यामध्ये सत्तांतर झालं. मात्र, एवढी मोठी घडामोड होऊनही विनायक मेटेंसारख्या नेत्यांनी या सर्व प्रकरणात चकार शब्दही काढला नाही. '
Vinayak Mete
Vinayak MeteSaam TV

मुंबई: शिवसंग्राम संघटनेचे नेते आणि माजी आमदार विनायक मेटे (Vinayak Mete) यांचे आज पहाटे मुंबई-पुणे द्रुतगती मार्गावर अपघाती निधन झालं. मेटे यांच्या अपघाती निधनामुळे महाराष्ट्रभर हळहळ व्यक्त केली जात आहे.

मुख्यमंत्री एकनाथ शिंदे (Eknath Shinde) उपमुख्यमंत्री देवेंद्र फडणवीस आणि विरोधी पक्षनेते अजित पवार यांच्यासह अनेक राजकीय सामाजिक क्षेत्रातील दिग्गज मंडळींनी मेटे यांना श्रद्धांजली अर्पण केली आहे. अशातच आता या अपघातावर शिवसेना खासदार अरविंद सावंत (Arvind Sawant) यांनी प्रश्नचिन्ह उपस्थित केलं आहे.

विनायक मेटेंचा अपघात आहे की घातपात, अशी शंका व्यक्त करत या घटनेच्या चौकशीची मागणी सावंत यांनी केली आहे. विनायक मेटे यांचा अचानक अपघाती मृत्यू होणे हे दुर्दैवी आहे. त्यांच्या अचानक झालेल्या अपघाताची चौकशी झाली पाहिजे असं ते म्हणाले आहेत.

राज्यामध्ये नुकतीच मोठी राजकीय उलथापालथ झाली आहे. राज्यामध्ये सत्तांतर झालं. मात्र, एवढी मोठी घडामोड होऊनही विनायक मेटेंसारख्या नेत्यांनी या सर्व प्रकरणात चकार शब्दही काढला नाही. याबाबत त्यांनी कधीही प्रतिक्रिया दिली नाही. अचानक काल त्यांना मुंबईत बैठकीसाठी बोलावण्यात आलं, कोणी बोलावलं होतं? कशासाठी याची चौकशी व्हावी अशी मागणी अरविंद सावंत यांनी केली आहे.

आरोपांची चौकशी होणार - एकनाथ शिंदे

विनायक मेटे यांच्या सहकाऱ्याने घटनास्थळी वेळेवर मदत पोहोचली नसल्याचा आरोप केला आहे. याबाबत बोलताना मुख्यमंत्री एकनाथ शिंदे यांनी आरोपांच्या बाबतीतील माहिती तपासून घेतली जाईल. पण ही झालेली घटना दुर्दैवी आहे. या घटनेची चौकशी वगैरे या सगळ्या गोष्टी होतील असं म्हटलं आहे.

Vinayak Mete
Beed Car Accident | भयंकर अपघात! टेम्पोने कारला चिरडलं; एकाच कुटुंबातील ६ जण जागीच ठार

विनाय मेटेंचे निधन मनाला वेदना देणारे - उद्धव ठाकरे

तर मराठा समाजातील बांधवाना भगिनींना न्याय मिळवून देण्यासाठी सतत झगडणारे शिवसंग्रामचे अध्यक्ष विनायकराव मेटे यांचे अकाली अपघाती झालेले निधन मनाला वेदना देणारे आहे ; ईश्वर त्यांच्या कुटुंबीयास या दुःखद प्रसंगी मनाला धीर देण्यास बळ देवो . अशा शोकभावना शिवसेना पक्ष प्रमुख उद्धव ठाकरे (Uddhav Thackeray) यांनी व्यक्त केल्या आहेत.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com