Mumbai News: गतवर्षी गणेश विसर्जनाच्या मिरवणुकीवेळी प्रभादेवी परिसरात गोळीबाराची घटना घडली होती. हा गोळीबार शिवसेना (Shivsena) शिंदे गटाचे आमदार सदा सरवणकर यांनी केल्याचा आरोप करण्यात आला होता. याबाबत आता एक महत्वाची माहिती समोर आली असून आमदार सदा सरवणकर (Sada Sarvankar) यांनी गोळीबार केली नसल्याचा अहवाल पोलिसांनी दिला आहे. बंदूक ही सदा सरवणकर यांचीच आहे, पण गोळी झाडणारा व्यक्ती दुसराच असल्याचं पोलिसांच्या अहवालात सांगण्यात आलं आहे.
या निर्णयानंतर ठाकरे गटाचे नेते सचिन अहिरे यांनी नाराजी व्यक्त केली असून हा सत्तेचा दुरुपयोग असल्याचा आरोप केला आहे. अशा घटनांमुळे मुंबईची कायदा आणि सुव्यवस्था ठासळत आहे. पोलिसानी कुठल्याही प्रकारची चौकशी न करता आता हा अहवाल दिला आहे, त्यामुळे त्यांची विश्वासार्हताही कमी होत आहे, अशी प्रतिक्रिया त्यांनी याबाबत बोलताना दिली आहे.
काय होते हे संपूर्ण प्रकरण....
गेल्यावर्षी गणपती विसर्जनाच्या मिरवणुकीनंतर प्रभादेवी परिसरात ठाकरे आणि शिंदे गटात राडा झाला होता. सदा सरवणकर यांनी आपल्या पिस्तुलातून राडा झाला त्याठिकाणी आणि पोलीस स्टेशनच्या परिसरात अशा दोन ठिकाणी फायरिंग केल्याचा आरोप ठाकरे गटाने केला होता. यावरुन बराच गदारोळ झाल्यानंतर पोलिसांनी सदा सरवणकर यांच्याविरोधात गुन्हा दाखल केला होता. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
