'शिवसेना हिंदुत्वासाठी राजकारण करते, तर भाजप...'; उद्धव ठाकरेंचा जोरदार हल्लाबोल

शिवसेना हिंदुत्वासाठी राजकारण करते,तर भाजप राजकारणासाठी हिंदुत्वाचा वापर करते, अशा शब्दात शिवसेना पक्षप्रमुख उद्धव ठाकरे (Uddhav Thackeray) यांनी भाजपवर हल्लाबोल केला.
Uddhav thackeray
Uddhav thackeray saam tv

सुमित सावंत

मुंबई : 'मराठी माणसाला, हिंदुत्वाला तोडण्यासाठी भाजपचे प्रयत्न सुरू आहेत. तुमचं आणि भाजपचं हिंदुत्व काय ? शिवसेना हिंदुत्वासाठी राजकारण करते, तर भाजप राजकारणासाठी हिंदुत्वाचा वापर करते, अशा शब्दात शिवसेना पक्षप्रमुख उद्धव ठाकरे (Uddhav Thackeray) यांनी भाजपवर हल्लाबोल केला. (Uddhav Thackeray News In Marathi)

Uddhav thackeray
Mumbai : शिवडीत शिवसेनेच्या शाखेचं उद्घाटन; उद्धव ठाकरेंच्या आक्रमक भाषणाने शिवसैनिक चार्ज

शिवडीतील शिवसेनेच्या (Shivsena) अभ्युदयनगर येथील २०५ क्रमांकाच्या शाखेचं नूतनीकरण करण्यात आलं. या शाखेचं उद्घाटन शिवसेना पक्षप्रमुख उद्धव ठाकरे यांच्या हस्ते झालं. या उदघाटनाप्रसंगी खासदार अरविंद सावंत, माजी महापौर किशोरी पेडणेकर यांच्यासहित सेनेचे अनेक पदाधिकारी उपस्थित होते. यावेळी उद्धव ठाकरेंनी भाजपवर जोरदार टीका केली.

उद्धव ठाकरे म्हणाले, आज ते म्हणतात आम्ही मुख्यमंत्री केलं, मग अडीच वर्षापूर्वी का नाही केलं. आज मनावर दगड ठेऊन मुख्यमंत्री केलं, हे अडीच वर्षापूर्वी केलं असतं तर भाजपच्या दगडाला शेंदूर लागला असता. अडीच वर्षांचं ठरलं होतं. मग तेव्हा शक्य होत नव्हतं, मग आज कसं शक्य झालं ? आता पुन्हा एकदा पुन्हा एकदा सामान्यातून असामान्य घडवायचं आहे. त्यांनी कोणत्या शक्तीशी पंगा घेतला आहे, त्यांना ठाऊक नाही. शिवसेनेने ज्या दगडाला शेंदूर फासला होता, ते गिळायला बसले आहेत. त्यांच्या मागे महाशक्ती आहे, महाशक्ती कळसूत्री आहे, त्यांना शिवसेना संपवायची आहे'

Uddhav thackeray
'रोहित पवारांचं वक्तव्य बरोबर, देवेंद्र फडणवीस हे तरुण नेते आहेत'

ठाकरे पुढे म्हणाले,'त्यांना कुठल्या ना कुठल्या पक्षात जाण्याखेरीज पर्याय नाही. काल एका पक्षाने त्यांना ऑफर दिली आहे. मी पुढच्या महिन्यापासून महाराष्ट्र फिरणार आहे. त्यांना शिवसेना संपवायची आहे. ठाकरे आणि शिवसेना हे नातं तोडायचं आहे. पण ठाकरे आणि सेना नातं घट्ट राहणार आहे. तुमच्यात मर्दपणा असेल तर माझ्या वडिलांचा फोटो लावू नका. हिंमत असेल तर स्वत:च्या नावावर निवडून येऊ द्या. त्यांनी स्वत: आई-वडिलांना घेऊन महाराष्ट्रात मतं मागा. पक्ष घेण्याचा प्रयत्न करत आहे. आता वडिलही घ्यायला चालले आहेत'.

'मराठी माणसाला, हिंदुत्वाला तोडण्यासाठी त्यांचे प्रयत्न सुरू आहेत. तुमचं आणि भाजपचं हिंदुत्व काय ? शिवसेना हिंदुत्वासाठी राजकारण करते, तर भाजप राजकारणासाठी हिंदुत्वाचा वापर करते. एखादा मुख्यमंत्री पायउतार होतो, तेव्हा लोक हळहळतात. हे तुमच्यामुळे झालं. मी वर्षा निवासस्थान सोडलं. पण मातोश्रीत आल्यावर माझी मूळ शक्ती मला मिळाली', असेही ते म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com