आतापर्यंत धनुष्य बाण चिन्हावर निवडणूक का लढवली ? शिवसेनेचा मुख्यमंत्र्यांना सवाल

आज मुख्यमंत्र्यांनी मला निवडणुकीत जिंकण्यासाठी कोणत्याही चिन्हाची गरज नाही,असे वक्तव्य केलं आहे. त्यावर आता शिवसेनेच्या प्रवक्या मनिषा कायंदे (Manisha kayande) यांनी प्रतिक्रिया दिली आहे.
shivsena crisis news
shivsena crisis news saam tv

मुंबई : मुख्यमंत्री एकनाथ शिंदे (Eknath Shinde) आणि शिवसेना पक्षप्रमुख उद्धव ठाकरे (Uddhav Thackeray) यांच्यात बंडाळीनंतर राजकीय संघर्ष सुरू झाला आहे. आमदार आदित्य ठाकरे देखील मुख्यमंत्री एकनाथ शिंदे यांच्यावर जोरदार निशाणा साधत आहेत. तर बंडखोर आमदारांनी राजीनामा देऊन निवडणुकांना सामोरे जा, असे आव्हान आदित्य ठाकरे शिंदे गटाच्या आमदारांना देत आहेत. तर दुसरीकडे आज मुख्यमंत्र्यांनी मला निवडणुकीत जिंकण्यासाठी कोणत्याही चिन्हाची गरज नाही,असे वक्तव्य केलं आहे. त्यावर आता शिवसेनेच्या प्रवक्या मनिषा कायंदे (Manisha kayande) यांनी प्रतिक्रिया दिली आहे. (Maharashtra Political news In Marathi )

shivsena crisis news
Eknath Shinde | 'मला निवडून यायला...'; मुख्यमंत्री एकनाथ शिंदे स्पष्टच बोलले

मुख्यमंत्री एकनाथ शिंदे यांनी आज पुण्यातील पुरंदर येथील सभेत विरोधकांवर जोरदार हल्लाबोल केला. या सभेत मुख्यमंत्री म्हणाले, 'मला निवडणुकीत जिंकण्यासाठी कोणत्याही चिन्हाची गरज नाही. एवढं मी काम करून ठेवलं आहे'. मुख्यमंत्री एकनाथ शिंदे यांच्या या वक्तव्यानंतर शिवसेना प्रवक्त्या मनिषा कायंदे यांनी पहिली प्रतिक्रिया दिली आहे. मनिषा कायंदे म्हणाल्या, ' निवडणुकीत जिंकण्यासाठी चिन्हाची गरज नाही, तर आतापर्यंत शिवसेनेच्या चिन्हावर निवडणूक का लढवली ? मग शिवसेना चिन्ह सोडून निवडणूक का लढवली नाही. एकनाथ शिंदे हे वैफल्यग्रस्त झाले आहेत. दिल्लीश्वर आणि ४० आमदारांना सांभाळता सांभाळता त्यांच्या नाकीनऊ आले आहेत. धनुष्यबाण हिसकावून घेणे इतकं सोपं नाही. धनुष्यबाण चिन्ह मिळणार नाही, हे त्यांना आता कळून चुकलं आहे.उद्याच्या सुनावणीबाबत आशादायी आहोत'.

shivsena crisis news
Shivsena: सामान्य शिवसैनिकांवर दबाव टाकाल तर...; ठाण्याच्या दिघेंचा मुख्यमंत्र्यांना इशारा

खरी शिवसेना कोणाची ? उद्या सुप्रीम कोर्टात होणार फैसला

मुख्यमंत्री एकनाथ शिंदे यांनी बंडाळीनंतर शिवसेना पक्षावर दावा केला आहे. त्यामुळे त्यांचा हा वाद सुप्रीम कोर्टात पोहोचला आहे. या वादामुळे शिवसेनेचं निवडणूक चिन्ह धनुष्यबाण कोणाला मिळणार, याकडे साऱ्यांचे लक्ष लागले आहे. सुप्रीम कोर्टात या प्रकरणी बुधवार ३ ऑगस्ट २०२२ रोजी सुनावणी होणार आहे. दरम्यान, निवडणूक आयोगाने दोन्ही बाजूंना शुक्रवारी ८ ऑगस्ट २०२२ रोजी म्हणणे निवडणूक आयोगासमोर मांडण्यास नोटीस बजावली आहे. त्यामुळे शिवसेनेने या नोटीसच्या विरोधात सर्वोच्च न्यायालयात धाव घेतली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com