Shivsena Vs Shinde Group : सेना-शिंदे गटाचा वाद चिघळला; सदा सरवणकरांचे दादरमधील बॅनर फाडले

शिंदे गटाचे आमदार सदा सरवणकर यांच्या दादर येथील कार्यालयावर काही लोकांनी दगडफेक केली आहे.
Shivsena Vs Shinde Group news
Shivsena Vs Shinde Group news saam tv

Shivsena Vs Shinde Group News : शिंदे गटाचे आमदार सदा सरवणकर यांच्या दादर येथील कार्यालयावर काही लोकांनी दगडफेक केली आहे. दगडफेक करणाऱ्यांनी स्वतःच याचा व्हिडिओ काढत सोशल मीडियावर शेअर केला आहे. दादर गोखले रोड वरील सरवणकर यांचे कार्यालय बंद असतांना ही दगडफेक करण्यात आली. उद्धव ठाकरे (Uddhav Thackeray) यांच्या समर्थकांकडून ही दगडफेक करण्यात आल्याचा संशय व्यक्त केला जात आहे.

Shivsena Vs Shinde Group news
Thackeray Vs Shinde: ठाकरे गटातील शिवसैनिकांना जामीन तर शिंदे गटातील आमदारावर गुन्हा दाखल

मुंबई - शिवसेना (Shivsena) आणि शिंदे गटातील धुसफूस आता चांगलीच वाढू लागली आहे. शिवसेनेच्या दोन्ही गटातील वाद टोकाला गेल्याचं दिसून येतं आहे. काल रात्री देखील मुंबईच्या प्रभादेवी परिसरात शिंदे गट आणि ठाकरे गटात राडा झाला. त्यानंतर आज, रविवारी दुपारच्या दादर परिसरातील आमदार सदा सरवणकर यांच्या दादर येथील कार्यालयावर काही लोकांनी दगडफेक केली आहे. तसेच त्यांच्या कार्यालयाबाहेरील बॅनर देखील फाडण्यात आले आहेत. तसेच सदा सरवणकर यांचा पुत्र समाधान सदा सरवणकर यांचाही बॅनर फाडण्यात आला आहे. त्यामुळे शिवसेना आणि शिंदे गटामध्ये वाद आणखी चिघळण्याची शक्यता आहे.

Shivsena Vs Shinde Group news
Video: मोठी बातमी! मुंबईत सेना-शिंदे गटात राडा! आमदार सरवणकरांचा हवेत गोळीबार?

दरम्यान, काल, शनिवारी रात्री देखील मुंबईच्या प्रभादेवी परिसरात शिंदे गट आणि ठाकरे गटात राडा झाला. हा वाद मध्यरात्री १२.३० वाजताच्या सुमारास घडल्याची माहिती समोर येत आहे. दोन्ही गटात जोरदार हाणामारी झाली. दादर पोलीस स्टेशन परिसरातही दोन्ही गट आमनेसामने आले होते. यावेळी शिंदे गटात असलेले आमदार सदा सरवणकर यांनी पोलीस स्टेशनच्या आवारात गोळीबार केल्याचा देखील आरोप आहे. मात्र, सदा सरवणकर यांनी सर्व आरोप फेटाळून लावलेत. एका घरगुती प्रकरणाचा वाद झाल्याचं सरवणकर यांनी सांगितलं आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com