श्रद्धा वालकर घटनेनंतर राज्यातील मंत्र्यांनी व्यक्त केली वेगळीच भीती; म्हणाले, महाराष्ट्रातील अनेक तरूणी...

श्रद्धा वालकर हत्या प्रकरणानंतर अवघा देश हादरून गेला आहे.
Shraddha Walker Case Maharashtra Minister Mangal Prabhat Lodha
Shraddha Walker Case Maharashtra Minister Mangal Prabhat LodhaSaam TV

सुशांत सावंत

Missing Girls From Maharashtra : महाराष्ट्रातील श्रद्धा वालकरची दिल्लीत हत्या झाल्याच्या प्रकरणानं संपूर्ण देश हादरून गेला आहे. आफताब यानं तिची निर्घृण हत्या केल्याचे समोर आले आहे. अशाच प्रकारे महाराष्ट्रातील अनेक तरुणींना प्रेमाच्या जाळ्यात अडकवण्यात आल्याचा संशय व्यक्त करतानाच अशा प्रकारे अनेक तरुणी बेपत्ता झाल्याची शक्यता महिला आणि बालविकास मंत्री मंगलप्रभात लोढा यांनी व्यक्त केली आहे. या तरुणींच्या शोधासाठी महिला आयोगाने विशेष पथक नेमले पाहिजे, अशी मागणीही त्यांनी केली.

श्रद्धा वालकर या तरुणीची दिल्लीत आफताब यानं हत्या केल्याची घटना उघडकीस आल्यानंतर देशभरात खळबळ माजली आहे. श्रद्धाच्या हत्येचा तपास केला जात आहे. दुसरीकडे, दिल्ली पोलिसांनी आफताबला अटक केली असून, तो सध्या पोलीस कोठडीत आहे. पोलीस प्रत्येक अँगल तपासून बघत आहे.

आफताबला कठोर शिक्षा व्हावी यासाठी दिल्ली पोलीस (Police) सर्व ठोस पुरावे गोळा करत आहे. त्यादृष्टीने कसून तपास सुरू आहे. तर कोर्टानंही आफताबच्या नार्को चाचणीला मंजुरी दिली आहे. या पाच दिवसांत आफताबची नार्को चाचणी करण्यात यावी, असे निर्देश कोर्टाने दिले आहेत. या घटनेमुळं महाराष्ट्रही हादरला आहे. राज्यातील अनेक तरुणींना प्रेमाच्या जाळ्यात अडकवल्याच्या मुद्दाही ऐरणीवर आला आहे. आता त्यातच अशा प्रकारे बेपत्ता झालेल्या तरुणींचा शोध घेण्याची मागणी होत आहे.

Shraddha Walker Case Maharashtra Minister Mangal Prabhat Lodha
Shraddha Walkar : श्रद्धा वालकर हत्या प्रकरण; आरोपी आफताबचा आणखी एक धक्कादायक खुलासा

राज्य महिला आयोग आणि जिल्हा विधी प्राधिकरण, मुंबई उपनगर यांच्या वतीनं सह्याद्री अतिथीगृहात आयोजित केलेल्या कार्यक्रमात राज्याचे महिला आणि बाल विकास मंत्री मंगलप्रभात लोढा यांनी याबाबतची मागणी लावून धरली आहे. अफताबने श्रद्धा वालकर या तरुणीची ज्या प्रकारे निर्घृण हत्या केली, तसेच महाराष्ट्रातील अनेक तरुणी प्रेमाच्या जाळ्यात अडकून बेपत्ता झाल्या आहेत, अशी शक्यता लोढा यांनी व्यक्त केली. (Maharashtra News)

Shraddha Walker Case Maharashtra Minister Mangal Prabhat Lodha
Shraddha Walker Case : श्रद्धा वालकर प्रकरणात मोठी अपडेट, पोलिसांना जंगलात सापडले १० अवयव

या पार्श्वभूमीवर बेपत्ता मुली व महिलांचा शोध घेण्यासाठी महिला आयोगाद्वारे विशेष पथक नेमले पाहिजे, अशी मागणीही लोढा यांनी केली. यावेळी राष्ट्रीय महिला आयोगाच्या अध्यक्षा रेखा शर्मा आणि विधान परिषदेच्या उपसभापती निलम गोऱ्हे, राज्य महिला आयोगाच्या अध्यक्षा रुपाली चाकणकर उपस्थित होत्या.

Edited By - Nandkumar Joshi

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com