सिद्धू मुसेवाला हत्या प्रकरण; शार्प शूटर संतोष जाधव पुणे पोलिसांच्या ताब्यात

सलमान खानला जीवे मारण्याची धमकी दिल्याबद्दल देखील आरोपी संतोष याचं नाव घेण्यात आलं
सिद्धू मुसेवाला हत्या प्रकरण; शार्प शूटर संतोष जाधव पुणे पोलिसांच्या ताब्यात
Sidhu Moose Wala, Santosh JadhavSaam Tv

पुणे : सिद्धू मुसेवाला (Sidhu Moose Wala) हत्या प्रकरणातील आरोपींपैकी एक संतोष जाधवला अखेर पुणे ग्रामीण पोलिसांनी (Pune Police) बेड्या ठोकल्या. गुजरात (Gujrat) राज्यातील कच्छ मधून आरोपी संतोष याला अटक करण्यात आली आहे. संतोष सोबत त्याच्या सूर्यवंशी नावाच्या आणखी एका साथीदारालाही पोलिसांनी अटक केली आहे. दोघांनाही रात्री 12 वाजता न्यायाधीशांसमोर हजर करण्यात आलं असता त्यांना २० जूनपर्यंत पोलीस कोठडी सुनावण्यात आली. (Sidhu Moose Wala Murder Case Latest News)

Sidhu Moose Wala, Santosh Jadhav
पुण्यात खळबळ! भंगारवाल्याकडे आढळले काडतुसे; पोलिसांची मोठी कारवाई

संतोष जाधव हा पुणे जिल्ह्यातील आंबेगाव तालुक्यातील मंचरचा राहणारा असुन दीड वर्षांपासून तो राण्या बाणखेले नावाच्या गुडांचा खुन केल्यापासून फरार होता. त्यानंतर तो उत्तर भारतातील लॉरेन्स बिष्णोई टोळीत सामील झाला होता. या टोळीकडून खंडणी वसूल करण्यासाठी काही दिवसांपुर्वी त्याने राजस्थानमधील गंगापूर शहरातील एका व्यापाऱ्यांवर गोळीबार केला होता.

मात्र संतोष जाधवची चर्चा तेव्हापासून सुरु झाली जेव्हा पंजाबी गायक सिद्धू मुसेवालाच्या हत्या प्रकरणात त्याच नावं घेण्यात आलं. त्याचबरोबर सलमान खानला जीवे मारण्याची धमकी दिल्याबद्दल देखील त्याचं नाव घेण्यात आलं. त्यामुळे पंजाब, दिल्ली आणि मुंबई पोलीसांकडून त्याचा शोध सुरु करण्यात आला.

Sidhu Moose Wala, Santosh Jadhav
पुण्यात सोसायटीमध्ये स्फोट; पोलिसांनी घेतले संशयिताला ताब्यात

त्यासाठी या वेगवगेळ्या राज्यातील पोलीस पुण्यात तळ ठोकून आहेत. मात्र पुणे ग्रामीण पोलीसांच्या पथकाने गुजरातमधील कच्छ मधुन त्याला अटक करण्यात यश मिळवलं आहे. काही दिवसांपुर्वी पुणे ग्रामीण पोलिसांनी सौरभ महाकाळ उर्फ सिद्धेश कांबळे या त्याच्या साथीदाराला ही अटक केली होती.

संतोष जाधव हा आंबेगाव तालुक्यातील पोखरी गावाचा राहणार असून मंचरची त्याची सासुरवाडी आहे. संतोष जाधव हा पुणे ग्रामीण पोलीस दलाच्या रेकॉर्डवरील गुन्हेगार असून त्याच्यावर मंचर येथील ओंकार बाणखेले यांच्या खून प्रकरणात मोक्का कारवाई करण्यात आली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com