Mumbai News : मुंबईतील झोपडी धारकांसाठी राज्य सरकराने मोठी भेट दिली आहे. १ जानेवारी २००० ते १ जानेवारी २०११ या काळातील झोपडी धारकांना मोठा दिलासा मिळाला आहे.
झोपडी धारकांना झोपडच्या बदल्यात सशुल्क घर मिळणार आहे. गृहनिर्माण मंत्री देवेंद्र फडणवीस यांनी याबाबतचा निर्णय घेतला आहे.
शासन निर्णय जारी झाल्याने लाखो कुटुंबियांचं घराचं स्वप्न साकार होणार आहे. झोपडीच्या बदल्यात अवघ्या २ लाख ५० हजार रुपयांत घर मिळणार आहे. शासनाकडून पुनर्वसन सदनिकेची किंमत अडीच लाख रुपये निश्चिती करण्यात आली आहे. (Latest Marathi News)
1 जानेवारी 2000 ते 1 जानेवारी 2011 पर्यंतच्या झोपडीवासीयांचे सशुल्क पुनर्वसन करण्याचे धोरण 16 मे 2018 रोजीच्या शासन निर्णयानुसार निश्चित करण्यात आले होते.
त्यामुळे सशुल्क पुनर्वसनास पात्र असलेल्या झोपडीधारकांच्या पुनर्वसन सदनिकांचे शुल्क लवकरात लवकर निश्चित करावे, अशी मागणी ठाकरे गटाचे आमदार सुनील प्रभू यांनी यंदाच्या अर्थसंकल्पीय अधिवेशनात केली होती. मुख्यमंत्र्यांनी यासंदर्भात शुल्क निश्चित केले जाईल असे आश्वासन विधानसभेत दिले होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
