मुंबई - आज अर्थसंकल्पीय अधिवेशनाचा दुसरा दिवस OBC आरक्षणाच्या मुद्यावरुन चांगलाच तापला आहे. यावेळी सत्ताधाऱ्यांच्या वेळखाऊपणामुळे कोर्टाने अहवाल फेटाळल्याचा आरोप केला तसंच. OBC आरक्षणावर चर्चा झाली पाहिजे अशी आमची मागणीही फडणवीस यांनी केली. मात्र सरकारला ओबीसी आरक्षणाच्या मुद्यावरुन घेरण्याची भाजपने (BJP) चांगलीच रणनिती आखली होती.
भाजपच्या सर्व नेत्यांनी आज येताना "ओबीसी बचाव" असं लिहलेल्या टोप्या घातल्या होत्या शिवाय ओबीसी आरक्षणच्या मुद्यावर विरोधकांनी अधिवेशनात जोरदार घोषणाबाजी देखील केली. ओबीसी आरक्षण देण्यात अपयशी ठरलेल्या सरकारचा धिक्कार असो असे फलक झळकवत विरोधक घोषणा देत होते.
पहा व्हिडीओ -
म्हणून मी लगेचच टोपी घातली -
दरम्यान, या सगळ्या प्रकरणावरती सरकारतर्फे छगन भुजबळ बोलत होते ते म्हणाले, काही नगरपालिका ओव्हरड्यू झाल्या. मात्र, एकही ZP ओव्हरड्यू झाली नाही. आपण भाजपकडील काही लोकं आणि आमच्याकडे एक-दोन लोकं मिळून यावर काम करु, काही गोष्टी राहिल्याचं मीही मान्य केल्या आहेत तसंच आपण सुप्रीम कोर्टाचा आदर करतो. आता आपण सभागृहात एकमेकांवर चिखलफेक आणि उणीदुणी न काढता ओबीसी आरक्षणासाठी एक आहोत, हे देशाला दाखवून देऊ असं भुजबळ म्हणाले.
हे सांगतानाच भुजबळ यांनी आपणही भाजपच्या लोकांनी घातलेली टोपी का घातली हे सांगितलं. 'देवेंद्र फडणवीसांनी (Devendra Fadanvis) काल OBC बाबतीत कोर्टात काय झालं त्यावर आपलं मत मांडलं. त्याचं मी स्वागत करतो. OBC च्या पाठीमागे आपण मजबुतीनं उभे आहात, ही चांगली बाब आहे आणि म्हणूनच मी भाजपच्या एका भगिनीनं मला जी "ओबीसी वाचवा" लिहलेली टोपी दिली ती मी लगेच घातली.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.