Lonavala Crime News : लोणावळा येथील कुरवंडे रोडवर ट्युशन वरून घरी जाणार्या एका शालेय विद्यार्थ्यांवर (student) अज्ञात व्यक्तीने जीवघेणा हल्ला केला आहे. डोक्यात काहीतरी ठणक वस्तू मारल्याने संबंधित विद्यार्थी रक्ताच्या थारोळ्यात पडला. हल्लेखोर अंधाराचा फायदा घेऊन पसार झाला. याप्रकरणी लोणावळा शहर पोलीस (police) ठाण्यात अज्ञात व्यक्तीवर गुन्हा दाखल करण्यात आला आहे.
मयुर तानाजी फाटक (वय पंधरा, राहणार कुरवंडे, लोणावळा) असे जखमी झालेल्या विद्यार्थ्याचे नाव आहे. पोलिसांनी दिलेल्या माहितीनूसार तीन महिन्यापुर्वी तानाजी फाटक यांच्या मुलास काही युवक विनाकारण त्रास देत होते. याबाबत त्यांनी युवकांना भेटून समजविण्याचा प्रयत्न केला. त्यावेळी त्यांनी फाटक यांना मारण्याची धमकी दिली होती.
तसेच तुमची मुले या रस्त्याला भेटली तर आम्ही त्यांना दाखवतो असे धमकावले होते. त्यानंतर मंगळवारी मयुर हा सायंकाळी ट्युशन वरून घरी येत असताना रात्रीच्या अंधारात ही घटना घडली आहे. जखमी मयूरवर पुण्यातील एका खासगी रुग्णालयात उपचार सुरु आहेत. याप्रकरणी फाटक यांनी दोन युवकांची संशयित म्हणून नावे दिली असून लोणावळा शहरचे पोलीस निरीक्षक सिताराम डुबल यांच्या मार्गदर्शनाखाली या घटनेचा तपास सुरु आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.