पुणे: कोरोना मुळे शालेय विद्यार्थ्यांचं झालेले नुकसान भरून काढण्यासाठी शिक्षण विभागाने मोठा निर्णय घेतला आहे. अभ्यासक्रम पूर्ण करण्यासाठी आता उन्हाळ्याच्या एकूण सुट्ट्यामधील एका महिन्याच्या सुट्ट्या रद्द करुन एप्रिल महिन्यातही पूर्णवेळ वर्ग सुरु ठेवण्याचा निर्णय घेण्यात आला आहे. अपूर्ण अभ्यासक्रम पूर्ण करण्यासाठी विद्यार्थी, पालक आणि शिक्षकांकडूनही मागणी करण्यात आली होती. त्यानुसार एप्रिल महिना आणि रविवारीही शाळा सुरु राहणार आहेत. त्यामुळे विद्यार्थ्यांचं वार्षीक नुकसान होऊ नये यासाठी शिक्षण विभागाकडून (Education Department) मोठा निर्णय घेण्यात आला आहे.
यंदा मात्र विद्यार्थ्यांना उन्हाळ्याच्या सुट्टीत फक्त अभ्यासच करावा लागणार आहे. काही पालकांनी आणि विद्यार्थ्यांनी मात्र या निर्णयावर नाराजी व्यक्त केली आहे. एप्रिल आणि मे महिन्यांत कडक ऊन असतं, त्याचा त्रास मुलांना होऊ शकतो तसेच काहींचं गावी जाण्याचं बुकिंग ही झालंय शिक्षण विभागाच्या या निर्णयामुळे नुकसान होणार असल्याची टीका पालकांनी केली आहे.
दरम्यान कोरोना काळात गेल्या तीन वर्षांपासून शाळा- महाविद्यालये कधी ऑफलाईन तर कधी ऑनलाईन सुरु होती. परंतु मागच्या आठवड्यात शिक्षणमंत्री वर्षा गायकवाड (Varsha Gaikwad) यांनी १०० टक्के शाळा सुरु करण्याचे आदेश काढले. त्यानंतर राज्यभरातील सर्व ठिकाणी शाळा १०० टक्के क्षमतेने सुरु झाल्या आहेत. गेल्या दोन वर्षापासून विद्यार्थी सुट्ट्यांचा अनुभव घेत आहेत. त्यामुळे काहींनी या निर्णयाचं स्वागत केले आहे तर काही लोकांनी विरोध केला आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.