Political News : ठाकरे गटाला मोठा धक्का बसणार? सुभाष देसाईंचे पुत्र शिवसेनेत प्रवेश करणार, सूत्रांची माहिती

मुंबई : ठाकरे गटाला आणखी एक धक्का बसण्याची शक्यता आहे. कारण ठाकरे गटाचे नेते, माजी मंत्री सुभाष देसाई यांचे पुत्र भूषण देसाई मुख्यमंत्री एकनाथ शिंदे यांच्या संपर्कात असल्याची माहिती सूत्रांकडून मिळत आहे.

भूषण देसाई लवकरच शिंदे यांच्या शिवसेनेत प्रवेश करणार असल्याची शक्यता वर्तवली जात आहे. सुभाष देसाई शिवसेनेतील ज्येष्ठ नेते आणि उद्धव ठाकरेंचे अत्यंत निकटवर्तीय म्हणून ओळखले जातात.

खासदार गजानन किर्तीकर यांच्यानंतर सुभाष देसाई यांच्या घरातही फूट पडण्याची शक्यता आहे. (Political News)

शिवसेना मोठी करण्यात त्यांच्या मुलाचा काहीही हातभार नाही- वैभव नाईक

सुभाष देसाई हे शिवसेनेचे नेते आहेत. शिवसेना मोठी करण्यात त्यांच्या मुलाचा काहीही हातभार नाही. भूषण देसाई स्वतःच्या फायद्यासाठी आणि दबावाला बळी पडून शिवसेनेत जात असतील. आठ वर्षे वडिलांच्या मंत्रिमंडळाचा फायदा घ्यायचा आणि मग पक्ष सोडायचा असं सुरू आहे, अशी प्रतिक्रिया ठाकरे गटाचे आमदार वैभव नाईक यांनी दिली आहे.