मुंबई : राज्यात गेले अनेक दिवसांपासून सुरु असणाऱ्या ST कर्मचाऱ्यांच्या संपावरती तोडगा काढण्यासाठी आज परिवहन मंत्री अनिल परब यांनी सहयाद्री अतिथीगृहावरती मंत्री उदय सामंत, (Uday samant) आमदार गोपीचंद पडळकर (MLA Gopichand Padalkar) तसेच एस टी कामगार शिष्टमंडळ यांच्यासोबत बैठक घेतली आणि या बैठकीनंतर अनिल परब यांनी पत्रकार परिषद (Press conference) घेतली यामध्ये चर्चेनंतर घेतलेले निर्णय माध्यमांसमोर सांगितले. तसेच विलीनीकरणाबाबतचा निर्णय तुर्तास न्यायालयाच्या अधीन असून न्यायालयाचा निर्णय होईपर्यंत आपणाला म्हणजेच एस टी कर्मचाऱ्यांना आणि सरकारलाही हा संप परवडणारा नसेल असही ते यावेळी म्हणाले.
हे देखील पहा -
तसेच एसटी कर्मचाऱ्यांना राज्यशासनाच्या कर्मचाऱ्यांप्रमाणे घरभाडे भत्ता, देण्यात येणार असून साधारण 7 हजाराची पगारवाढ वाढ करणार असल्याचेही त्यांनी सांगितले. शिवाय आपण करणार असलेली पगारवाढ ही 41% ची असून ती एसटी च्या इतिहासातील सर्वात मोठी पगारवाढ असल्याचेही त्यांनी सांगितले.
तसेच STचे उत्पन्न वाढले तर कामगारांना प्रोत्साहन म्हणून इंसेंटिव्ह दिले जाईल असे सांगतच कोणत्याही एसटी कर्मचाऱ्याने आत्महत्या करू नये असे आवाहन देखील परब यांनी यावेळी केले. शिवाय एसटी चे यापुढील अधिक नुकसान सरकारला ही परवडणार नाही; आणि कामगारांना ही परवडणार नाही असं देखील परब आपल्या पत्रकार परिषदेत म्हणाले.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
