बोपदेव घाटातील 'त्या' मृतदेहाचं गूढ उलगढलं; मुलानेच केला बापाचा खून

पुण्यातील कोंढवा पोलीस स्टेशनच्या हद्दीतील बोपदेव घाटात एका अनोळखी व्यक्तीचा मृतदेह सापडला होता.
बोपदेव घाटातील 'त्या' मृतदेहाचं गूढ उलगढलं; मुलानेच केला बापाचा खून
Pune Crimeसचिन जाधव

सचिन जाधव -

पुणे : पुण्यातील कोंढवा पोलीस स्टेशनच्या (Kondhwa Police Station) हद्दीतील बोपदेव घाटात एका अनोळखी व्यक्तीचा मृतदेह सापडला होता. दर व्यक्तीचा खून करून त्याचा मृतदेह निर्जन ठिकाणी फेकून देण्यात आला होता. कोंढवा पोलिसांनी या खून प्रकरणाचा अवघ्या चोवीस तासात छडा लावला असून दोन आरोपींना अटक केली आहे.

धक्कादायक म्हणजे मुलानेच मावस भावाच्या मदतीने आपल्या वडिलांचा खून केल्याचं पोलिस (Police) तपासात निष्पन्न झालं आहे. पवन देबू शर्मा वय वर्ष ४० असं खून झालेल्या व्यक्तीचे नाव आहे. पवन शर्मा याचा मुलगा सोनू पवन शर्मा वय २५ आणि मावस भाऊ शैलेंद्र गोवर्धन अहिरवार वय २० असं दोघांना कोंढवा पोलिसांनी अटक केली आहे.

हे देखील पाहा -

वडील दारू पिऊन सतत आईला मारहाण करत असल्याच्या रागातून त्याने हा खून केला असल्याची माहिती समोर आली आहे. सोनू शर्मा याच्या वडिलांना दारू पिण्याचे व्यसन होते. दारू पिल्यानंतर तो मुलगा सोनू आणि पत्नीला नेहमी मारहाण करायचा.

असाच तो १३ जूनच्या रात्री देखील त्याने दारू पिऊन घरी आल्यानंतर पत्नीला मारहाण करण्यास सुरुवात केली. त्यानंतर आरोपींनी पवन शर्मा याला बाहेर नेले आणि नायलॉनच्या दोरीने गळा आवळून त्यांचा खून केला. शिवाय फोन केल्यानंतर पुरावा नष्ट करण्यासाठी मृतदेह बोपदेव घाटात फेकून दिला होता. त्यानंतर पोलिसांनी या दोघा आरोपींना अटक केली आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com