शिवसेना पक्ष आम्ही वाढवला तो आमचाच; ठाकरेंच्या मुलाखतीनंतर शिंदे गटातील आमदाराच वक्तव्य

मुंबई : आम्ही पक्षासोबत राहून पक्ष वाढवला. पक्ष हा आमचाच आहे, आमचाच राहील असा विश्वास मुख्यमंत्री एकनाथ शिंदे यांच्या गटातील आमदार संदीपान भुमरे (Sandipan Bhumre) यांनी व्यक्त केला आहे. महाविकास आघाडी सरकार कोसळल्यानंतर शिवसेना पक्षप्रमुख उद्धव ठाकरे यांनी पुन्हा एकदा विरोधकांवर निशाणा साधला आहे.

आज ‘सामना’चे कार्यकारी संपादक संजय राऊत यांनी शिवसेना पक्षाचे मुखपत्र सामनासाठी पक्षप्रमुख उद्धव ठाकरे (Uddhav Thackeray) यांची मुलाखत घेतली. या मुलाखतीमध्ये उद्धव ठाकरे यांनी बंडखोर आमदारांसह भाजपवरती जोरदार हल्लाबोल केला.

यावेळी त्यांनी आपण आजारपणात असताना मोठ्या संख्येने लोक आपल्या प्रकृतीसाठी प्रार्थना आणि अभिषेक करत होते. पण असेही काही लोक होते जे अगदी उलट इच्छा करत होते. मी उभा राहू शकत नव्हतो, याचा काहींना आनंद झाला होता. माझ्या शरीराची हालचाल होत नव्हती तेव्हा सत्तांतरासाठी हालचाली सुरु होत्या," असा गंभीर आरोप शिवसेना पक्षप्रमुख उद्धव ठाकरे यांनी केला.

पाहा व्हिडीओ -

त्यांच्या या मुलाखतीनंतर आता मुख्यमंत्री एकनाथ शिंदे (Eknath Shinde) गटाकडून देखील प्रतिक्रिया दिल्या जात आहेत. आम्ही दगा फटका आम्ही केला नाही. मात्र, आमदारांची काम होत नव्हती. आम्ही उद्धव ठाकरे यांना सांगत होतो. एकनाथ शिंदे यांनी ही वारंवार उद्धव ठाकरे यांची भेट घेत होते. कोरोना काळात उद्धव ठाकरे यांनी काम केली पण आमदारांच्या मतदारसंघातील विकास कामांकडे दुर्लक्ष केलं. आदित्य साहेब आज जसे फिरत आहेत तसे आधी फिरले असते तर ही वेळी आली नसती.

आम्हाला पाला पाचोळा म्हणतात, हे चुकीचे आहे. आम्ही पक्षासोबत राहून पक्ष वाढवला. पक्ष हा आमचाच आहे. आमचाच राहील. आम्ही एकनाथ शिंदे साहेबांचे नेतृत्व मान्य केले असून धनुष्यबाण निशाणी या निवडणुकीत आम्हालाच मिळणार असल्याचा विश्वास देखील संदीपान भुमरे यांनी व्यक्त केला आहे.

Edited By - Jagdish Patil