मलंगडावरील फ्युनिक्युलर ट्रॉलीचे काम नव्या ठेकेदाराला देणार - खा. शिंदे

ट्रॉलीकडे जाण्यासाठी ९ कोटींच्या रस्त्याचं भूमिपूजन...
मलंगडावरील फ्युनिक्युलर ट्रॉलीचे काम नव्या  ठेकेदाराला देणार - खा. शिंदे
मलंगडावरील फ्युनिक्युलर ट्रॉलीचे काम नव्या ठेकेदाराला देणार - खा. शिंदेSaamTvnews

कल्याण : मलंगगड परिसराला इथल्या तीर्थक्षेत्रामुळे वेगळी ओळख आहे. सोबतच इथे असलेल्या गावांमध्ये मोठी लोकवस्ती आहे. त्या दृष्टिकोनातून या परिसराचा विकास करण्यासाठी शासनानं १५ कोटी २२ लाख रुपयांचा निधी मंजूर केला आहे. यासाठी खासदार डॉ. श्रीकांत शिंदेंनी (Shrikant Shinde) मोठा पाठपुरावा केला होता. या निधीपैकी ९ कोटी रुपये खर्चून फ्युनिक्युलर ट्रॉलीकडे जाणाऱ्या रस्त्याचं काम केलं जाणार आहे.

हे देखील पहा :

तर, उसाटणे नाऱ्हेण चिरड शेलारपाडा रस्त्यासाठी ४ कोटी ६५ लाख, बक्तारशा दर्गा ते मलंगगड (Malanggad) पायऱ्यांसाठी १ कोटी, आंबे गावाजवळ साकव तयार करण्यासाठी ५७ लाखांचा निधी वापरला जाणार आहे. या सर्व कामांचं भूमिपूजन आज मलंगगडाच्या पायथ्याशी खासदार डॉ. श्रीकांत शिंदे यांच्या हस्ते करण्यात आलं. यावेळी ठाणे जिल्हापरिषदेच्या अध्यक्षा पुष्पा पाटील, जिल्हाप्रमुख गोपाळ लांडगे, माजी नगरसेवक महेश गायकवाड, शहरप्रमुख वामन म्हात्रे आणि मोठ्या प्रमाणात कार्यकर्ते उपस्थित होते.

मलंगडावरील फ्युनिक्युलर ट्रॉलीचे काम नव्या  ठेकेदाराला देणार - खा. शिंदे
Sharad Pawar : यंदा परिवर्तन अटळ; राष्ट्रवादी तीन राज्यात निवडणूक लढवणार!

दरम्यान मलंगगडावर जाण्यासाठी उभारण्यात येत असलेल्या फ्युनिक्युलर ट्रॉलीच्या ठेकेदाराला टर्मिनेट करण्यात येणार आहे. मागील १० वर्षांपासून या ट्रॉलीचं काम अपूर्ण अवस्थेत सोडून देण्यात आलं असून त्यामुळं आता नव्या ठेकेदाराची नियुक्ती करत हे काम पूर्ण करून घेतलं जाणार आहे, असे खा.डॉ.शिंदे यांनी आज पत्रकाराशी बोलताना सांगितले.

आज खासदार शिंदे यांच्या हस्ते मलंगगड बस स्टॉप पासून फ्युनिक्युलर ट्रॉलीकडे जाणाऱ्या रस्त्याच्या कामाचं भूमिपूजन करण्यात आलं. या कामासाठी ९ कोटी रुपये खर्च करण्यात येणार आहेत. दरम्यान, रास्ता तर होतोय, पण ट्रॉली कधी सुरू होणार? असा प्रश्न यावेळी खासदारांना विचारला असता, त्यांनी नवीन ठेकेदाराकडून (Contractor) हे काम करून घेणार असल्याची माहिती दिली.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com