उल्हासनगरात गाऊनच्या कारखान्यात चोरी; महिलांचे दीड लाखांचे गाऊन घेऊन चोरटे पसार!
उल्हासनगर : गाऊनच्या कारखान्यात चोरी करून तब्बल दीड लाखांचे गाऊन चोरल्याची घटना उल्हासनगरमध्ये घडली आहे. ही चोरी करून पळताना दोन चोरटे सीसीटीव्हीत कैद झाले आहेत.
हे देखील पहा -
उल्हासनगरच्या कॅम्प ५ मधील सेक्शन ३९ च्या जयजनता कॉलनीमध्ये ओमप्रकाश गुप्ता यांचा गाऊनचा कारखाना आहे. या कारखान्यात महिलांचे गाऊन शिवण्याचं काम केलं जातं. या कारखान्यात रविवारी पहाटे अडीचच्या सुमारास खिडकीची ग्रील तोडून दोन चोरटे घुसले. त्यांनी दुकानात पाच गोण्यांमध्ये भरून ठेवलेले तयार गाऊन चोरून नेले. यात तब्बल ८०० गाऊन होते, ज्यांची किंमत जवळपास दीड लाख रुपये होती.
हे गाऊन चोरटे बाईकवर ठेवून घेऊन गेले. यावेळी हे चोरटे या परिसरातल्या सीसीटीव्हीतही कैद झाले आहेत. चोरीप्रकरणी उल्हासनगरच्या हिललाईन पोलीस ठाण्यात भादंवि कलम ४५४, ४५७ आणि ३८० प्रमाणे गुन्हा दाखल करण्यात आला असून पोलीस अजूनही चोरट्यांचा शोध घेत आहेत.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.