Navi Mumbai : महापे एमआयडीसीतील कंपन्यांच्या सुरक्षेचा प्रश्न ऐरणीवर; सुरक्षारक्षकांना बांधून लाखाेंची चोरी

- सिद्धेश म्हात्रे

Navi Mumbai : नवी मुंबईतील महापे एमआयडीसीत (mahape midc) चाेरीच्या घटना वाढू लागल्या आहेत. काही भागात चाेरटे सुरक्षा रक्षकांना शस्त्रांचा धाक दाखवत कंपन्यातील साहित्य चाेरत असल्याचे प्रकार घडत आहे. त्यामुळे नवी मुंबईतील सुरक्षेचा प्रश्न ऐरणीवर आला आहे. (Maharashtra News)

नवी मुंबईतील महापे एमआयडीसीमध्ये असणाऱ्या सुपर स्टीम बॉयलर कंपनीत चोरांनी सुरक्षा रक्षकांना दोरीने बांधून कोयत्याचा धाक दाखवून चोरी केली. चोरांनी कंपनीतील तांब्याची वायडींग केबल वायर, पितळेचे नोझल आणि इतर वायर असा लाखो रुपयांचा माल कंपनीच्या मागच्या बाजूला असलेल्या कंपाऊंडला भगदाड पाडून चोरून नेला आहे.

विशेष म्हणजे दोन महिन्यांपूर्वी याच कंपनीतील सुरक्षा रक्षकांना बंदुकीचा धाक दाखवून चोरीची घटना झाली होती. अद्याप त्या प्रकरणातील चाेर पोलिसांना सापडले नाहीत. त्यातच पुन्हा याच कंपनीत चोरीची घटना घडल्याने व्यवस्थापन चक्रावले आहे. या घटनांमुळे नवी मुंबईतील सुरक्षेचा प्रश्न ऐरणीवर आला आहे.

Edited By : Siddharth Latkar