अंबरनाथ : येथे एका धक्कादायक घटनेमुळं खळबळ उडाली आहे. एका चोरट्याने वृद्ध महिलेच्या घरात घुसून तिच्या मानेला चाकू लावून (Gold Robbery) सोनसाखळी चोरली आहे. अंबरनाथ पश्चिमेच्या फातिमा शाळेजवळ कॅनरा बँकेला लागून दिलीप निवास नावाची इमारत आहे. या इमारतीत पहिल्या मजल्यावर सौशम्मा वर्गीस त्यांच्या पतीसोबत राहतात. मंगळवारी सकाळी आठ ते साडेआठच्या दरम्यान त्यांच्या घराबाहेर कुणीतरी उभं असल्याचं सौशम्मा यांना दिसलं. त्यानंतर त्यांनी दार उघडून पाहिल्यावर तोंडाला मास्क लावून दाराजवळ उभा असलेला चोर पाहिला. त्यानंतर चोरट्याने चाकूचा धाक दाखवून सोनसाखळी चोरली. याप्रकरणी अंबरनाथ पोलीस ठाण्यात जबरी चोरीचा गुन्हा दाखल करण्यात आलाय. (Ambarnath robbery crime latest news update)
काय घडलं नेमकं?
अंबरनाथ पश्चिमेच्या फातिमा शाळेजवळ कॅनरा बँकेला लागून दिलीप निवास नावाची इमारत आहे. या इमारतीत पहिल्या मजल्यावर सौशम्मा वर्गीस आणि त्यांचे पती हे वृद्ध दाम्पत्य वास्तव्याला आहे.मंगळवारी सकाळी आठ ते साडेआठच्या दरम्यान त्यांच्या घराबाहेर कुणीतरी उभं असल्याचं सौशम्मा यांना दिसलं.
त्यामुळे दूधवाला आला असेल असं समजून त्यांनी दार उघडून पाहिलं. त्यानंतर तोंडाला स्कार्फ बांधलेला एक अनोळखी तरुण तिथे उभा असल्याचं त्यांना दिसला. हा तरुण सौशम्मा यांच्या घरात घुसला आणि त्यांना सोफ्यावर बसवत त्यांच्या गळ्यातील सोनसाखळी काढू लागली.
चोरट्याला सौशम्मा यांनी विरोध करताच या चोरट्याने चाकू काढून त्यांच्या गळ्याला लावला आणि जबरदस्तीने त्यांची सोनसाखळी हिसकावत पळून गेला. यानंतर पोलिसांनी घटनास्थळी धाव घेत पंचनामा करून जबरी चोरीचा गुन्हा दाखल केलाय. या प्रकरणाचा तपास सुरू असल्याची माहिती अंबरनाथ पश्चिम पोलीस ठाण्याचे वरिष्ठ पोलीस निरीक्षक राजेंद्र कोते यांनी दिलीय.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.