Maval News : शिवजयंती निमित्त मल्हार गडावरून मावळात शिवज्योत घेऊन येणाऱ्या टेम्पोला झालेल्या अपघातात सुमारे 35 शिवभक्त जखमी झाले हाेते. त्यापैकी 13 वर्षीय शिवभक्ताचा उपचारा दरम्यान मृत्यू झाला आहे. आर्यन सोमनाथ कोंडभर (aryan somnath kondbhar) असे मृत्यू झालेल्या बाल शिवभक्ताचे नाव आहे. (Maharashtra News)
छत्रपती शिवाजी महाराज (Chhatrapati Shivaji Maharaj) यांच्या जयंतीनिमित्त (shiv jayanti) दहा मार्चला शिलाटणे येथील युवक शिवज्योत आणण्यासाठी मल्हारगड (ता. पुरंदर) येथे गेले होते. शिवज्योत घेऊन परतत असताना ताथवडे येथे पहाटे साडेचार वाजता पाठीमागून आलेल्या भरधाव मालवाहू ट्रकने पायी चाललेल्या शिवभक्तांना आणि त्यांच्या वाहनांना जोरदार धडक दिली होती.
या अपघातात आर्यनसह सुुमारे 35 युवक जखमी झाले होते. त्यापैकी तिघे जणांची प्रकृती गंभीर होती. जखमी आर्यनवर रावेत येथील एका रुग्णालयात उपचार सुरू होते. त्याच्या मेंदूला मार लागला होता. त्याच्यावर शस्त्रक्रिया करण्यात आली होती. परंतु त्याची गुरुवारी मृत्यूशी झुंज अखेरची ठरली. आर्यनच्या निधनामुळे शिलाटणे गावावर शोककळा पसरली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
