- सुशील थोरात
Shevgaon Bandh News : शेवगाव शहरातील घटनेनंतर आजही व्यापारी संघटना गावातील दुकानं तसेच गाव बेमुदत बंद ठेवण्यावर ठाम राहिले आहे. पालकमंत्री राधाकृष्ण विखे- पाटील (radhakrishna vikhe patil) यांनी चुकीचे वर्तन करणा-यांवर कारवाई केली जाईल असे आश्वासन देत बंद मागे घ्यावा असे आवाहन साेमवारी (ता. 15) केले हाेते. परंतु आजही शहरातील सर्व दुकानं बंद ठेवण्यात आली आहेत. (Maharashtra News)
नगर जिल्ह्यातील शेवगाव (shevgaon) शहरात साेमवारी रात्री दोन गटात वाद निर्माण झाला हाेता. त्यानंतर दगडफेक देखील झाली. या प्रकरणी पाेलिसांनी सुमारे 250 ते 300 जणांवर शेवगाव पोलीस ठाण्यात गुन्हा दाखल केला. त्यानंतर पाेलिसांनी 31 जणांना ताब्यात घेतले. या सर्वांना न्यायालयात हजर केले असताना त्यांना न्यायालयाने चार दिवसांची पोलीस कोठडी सुनावली.
दरम्यान या घटनेनंतर पालकमंत्री राधाकृष्ण विखे पाटील यांनी शेवगावात जाऊन ग्रामस्थांची भेट घेतली. त्यानंतर व्यापा-यांची भेट घेतली. यावेळी पाटील यांनी व्यापा-यांना बेमुदत बंद मागे घेण्याचे आवाहन केले हाेते.
आज (मंगळवार) व्यापारी संघटना बंदवर ठाम राहिले. साम टीव्हीशी बाेलताना त्यांनी आम्ही दहशतीखाली आहाेत. आमचे माेठे नूकसान झाले आहे. कायदा व सुव्यवस्था ढासळल्याचे जाणवते. चुकीचे वर्तन करणा-यांवर कडक कारवाई झाली पाहिजे अशी मागणी व्यापारी संघटनेने केली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
