Pune Bangalore National Highway Accident News : पुणे- बंगळुरू महामार्गावर भीषण अपघात, जाणून घ्या खंबाटकी घाटातील वाहतूकीची स्थिती

- सचिन जाधव

Pune News : पुणे- बंगळुरू महामार्गावर आज (शनिवार) नवीन कात्रज बोगद्याजवळ झालेल्या अपघातामुळे वाहतुक विस्कळीत झाली. तसेच गणेशाेत्सवाच्या पार्श्वभूमीवर चाकरमनी साता-याकडे परतू लागल्याने सकाळपासून खंबाटकी घाटातील वाहतुक संथ गतीने सुरु आहे. (Maharashtra News)

आज सकाळी अकराच्या सुमारास नवीन कात्रज बोगद्याजवळ एका ट्रकने पाठीमागून दूस-या ट्रकला धडक दिली. त्यामुळे दुसरा ट्रक रस्त्यावरच उलटला. या अपघातात दोन्ही ट्रक चालक जखमी झाले.

या अपघाताची माहिती कळताच घटनास्थळी भारती विद्यापीठ पोलीसांनी धाव घेतली. या अपघातामुळे महामार्गावरील वाहतुक काही काळ ठप्प झाली हाेती. दरम्यान क्रेनच्या मदतीने ट्रक हटवण्याच काम सुरू करण्यात आले हाेते.

खंबाटकीत वाहतुक काेंडी

गणेशाेत्सव (ganesh festival 2023) तीन दिवसांवर येऊन ठेपला आहे. यामुळे पुणे मुंबईतील साता-याचे चाकरमनी गावाकडे येऊ लागले आहेत. यामुळे खंबाटकी घाटात (Khambatki Ghat Traffic Update) वाहनांची वर्दळ वाढली आहे. आज सकाळपासून या घाटातील वाहतुक संथ गतीने सुरू आहे. पुण्याकडून साता-याला येणा-या मार्गात अधून मधून वाहतुक काेंडी देखील हाेत आहे.

Edited By : Siddharth Latkar