Crime News : शाळांसह मुख्याध्यापकांच्या नावाचे शिक्के जप्त, बनावट कागदपत्रांसह दाेघांना अटक

Tulinj Police Station : बनावट कागदपत्रे बनवणाऱ्या टोळीचा पर्दाफाश करण्यात तुळींज पोलिसांना यश आले आहे. पाेलिसांनी (police) दाेन संशयितांवर गुन्हा दाखल केला आहे. दाेन्ही संशयितांना पाेलिसांनी अटक (arrest) केली आहे. (Maharashtra News)

नालासोपारा (nalasopara) पूर्वेकडील परिसरात बनावट कागदपत्रे बनवणाऱ्या टोळीचा पर्दाफाश झाला आहे. ही टोळी प्रसिद्ध शाळांचे (school) बनावट वास्तव्य प्रमाणपत्र बनवून लोकांना पासपोर्ट बनवण्यासाठी विकत असे. तुळींज पोलिसांनी (tulinj police) या प्रकरणाचा छडा लावला आहे.

नालासोपाऱ्याच्या रेहमत नगर येथील असराफ खान याने बनावट कागदपत्रांच्या आधारे पासपोर्टसाठी ऑनलाइन फॉर्म सादर केल्यावर ही बाब निदर्शनास आली आहे. त्यानंतर हे कागदपत्र पासपोर्ट विभागाकडून पडताळणीसाठी तुळींज पोलिस ठाण्यात पोहोचले.

तेव्हा तुळींजच्या गोपनीय विभागाला त्या व्यक्तीच्या शाळेतील वास्तव्याचा दाखला संशयास्पद वाटला. शाळेच्या त्या प्रमाणपत्राची खात्री करण्यासाठी गोपनीय विभागातील पोलिसांनी शाळेशी संपर्क साधला. शाळेने संबंधित प्रमाणपत्र हे आमच्या शाळेचे दाखवित असले तरी ते बनावट असल्याचे पाेलिसांना सांगितले.

त्यानंतर पोलीस हवालदार विक्रम पन्हाळकर यांनी कागदपत्रे देणाऱ्या व्यक्तीला पोलीस ठाण्यात बोलावून त्याची कसून चौकशी केली. त्यात ही कागदपत्रे बनावट असल्याचे समोर आले. त्यांनी नालासोपारा स्थानकाजवळील एका झेरॉक्सच्या दुकानातून एजंटकडून ती २ हजार रुपयांना खरेदी केल्याची माहिती मिळाली.

त्यानंतर पोलिसांनी फसवणुकीचा गुन्हा दाखल करून बनावट कागदपत्रे बनवणाऱ्या एजंटच्या दुकानावर छापा टाकला. तेथून पोलिसांना आणखी तीन बनावट शाळांचे प्रमाणपत्र मिळाले. तसेच त्या दुकानातून प्रसिद्ध शाळांचे शिक्के, मुख्याध्यापकांच्या नावाचे शिक्के आणि इतर अनेक बनावट कागदपत्रेही जप्त केली आहेत. या प्रकरणी पोलिसांनी बनावट कागदपत्रे बनवणाऱ्या शादाब आणि बनावट कागदपत्रे सादर करणाऱ्या असराफ खानला अटक केली आहे.

Edited By : Siddharth Latkar