Mumbai Accident : सायनमध्ये भरधाव कारची दुभाजकाला धडक, दरवाजा लॉक झाल्याने दोन भावांचा होरपळून मृत्यू

सचिन गाड

Mumbai News :

मुंबईत एक भीषण अपघाताची घटना समोर आली आहे. या अपघातात दोन भावाचा होरपळून मृत्यू झाला आहे. सायन कार दुभाजकला धडकून हा अपघात झाला आहे.

मिळालेल्या माहितीनुसार, सोमवारी पहाटे सायन येथे कार दुभाजकाला धडकून हा अपघात झाला. अपघात होताच गाडीने क्षणात पेट घेतला. अपघातानंतर गाडीचे दरवाजेही आपोआप लॉक झाले. गाडीचे दरवाजे लॉक झाल्याने गाडीतून प्रवास करत असलेल्या दोघा भावांना बाहेरच पडता आले नाही. (Latest Marathi News)

गाडीने पेट घेतल्याने कारच्या आतचा दोन्ही भावांचा आगीत होरपळून मृत्यू झाला. तर दोघे जण गंभीर जखमी आहेत. अजय वाघेला आणि प्रविण वाघेला अशी दोन्ही भावांची नावे आहेत. (Mumbai News)

घटनेची माहिती मिळताच अग्निशमन दलाचे जवान घटनास्थळी दाखल झाले. मात्र मदत पोहचण्यापूर्वीच गाडी आगीत जळून खाक झाली होती. घाटकोपरला पार्टी करून मरीना ड्राईव्हला फेरफटका मारण्यासाठी जात असताना हा अपघात झाला आहे.