CM Uddhav Thackeray Live: आम्ही २५ वर्ष युतीत सडलोच : उद्धव ठाकरे

मुंबई: आम्ही २५ वर्ष युतीत सडलोच आहे. हाच का तो मित्र ज्याला २५ वर्ष बाळासाहेबांनी सांभाळले होते. असल्या पक्षासोबत आम्ही २५ वर्षे काढलीत असा टोला मुख्यमंत्री उद्धव ठाकरे यांनी भाजपला लगावला. आज मुंबईत शिवसेनेची सभा होत आहे. या सभेत उद्धव ठाकरेंनी भाजपवर तोफ डागली. (CM Uddhav Thackeray Live)

उद्धव ठाकरे म्हणाले, सामनामध्ये जे येते ते येणार आहे. आम्ही कधीच सामनामध्ये नरेंद्र मोदींबद्दल चूकीचं काही लिहील नाही. ७० पैशांनी पेट्रोल वाढले तेव्हा अटल बिहारी वाजपेयी बैलगाडीने गेले होते, ती भाजप कुठे आहे? असा सवालही त्यांनी केला. (CM Uddhav Thackeray Live)

उद्धव ठाकरे म्हणाले, तुमच्या १७६० पिढ्या आल्या तरीही मुंबई स्वतंत्र होणार नाही. कोणीही आले तरी ही मुंबई स्वतंत्र होऊ देणार नाही. बुलेट ट्रेन कशाला हवी आहे. कोणाल हवी आहे. तुम्हाला मुंबई महाराष्ट्रापासून वेगळी करायची आहे. मागे खोटा हिंदुत्वाचा बुरखा घातलेला पक्ष आपल्यासोबत होता, ते देशाची दिशा भरकटवत आहेत असे म्हणत उद्धव ठाकरे यांनी भाजपवर हल्लाबोल केला. ते म्हणाले की, बाळासाहेबांना देवळात घंटा बडवणारा हिंदू नको होता तर अतिरेक्यांना बडवणारा हिंदू पाहिजे होता. आपले हिंदुत्व गदाधारी आहे, इतरांचे घंटाधारी आहे. बसा बडवत घंटा. काय मिळालं, घंटा. असे म्हणत त्यांनी भाजपवर जोरदार हल्लाबोल केला.

Edited By- Santosh Kanmuse