Uddhav Thackeray LIVE Speech: गोरेगावच्या नेस्को सभागृहामध्ये आज शिवसेनेच्या वतीने गटप्रमुखांचा भव्य मेळावा आयोजीत करण्यात आला आहे. राज्यातील सत्तासंघर्षानंतर आणि मुख्यमंत्रीपदावरुन पायउतार झाल्यानंतर पक्षप्रमुख उद्धव ठाकरे (Uddhav Thackeray) आज पहिल्यांदाच जाहीर सभेमध्ये बोलत होते. ठाकरे बोलत असताना शिवसैनिकांकडून जोरदार घोषणाबाजी करण्यात येत होती.
भाषणाला सुरुवात करतानाच उद्धव ठाकरेंनी जमलेल्या माझ्या तमाम हिंदू बांधवानो आणि भगिनींनो म्हणत सुरुवात केली. शिवाय यावेळी त्यांनी यंदाचा दसरा मेळावा हा शिवाजी पार्कवरच होणार असल्याची घोषणा देखील केली.
पाहा व्हिडीओ -
राज्यात मागील काही दिवसांपासून शिवसेनेचा दसरा मेळावा (Dasara Melava) शिवाजी पार्कवर कोण घेणार या मुद्यावरुन राजकारण चांगलचं पेटलं आहे. शिंदे गटाने आणि ठाकरे गटाने दोघांनी या मैदानावर मेळावा घेणार असल्याचं सांगण्यात येत आहे.
मात्र, महापालिकेकडून या दोन्ही गटांना परवानगी दिलेली नाही. अशातच आता उद्धव ठाकरेंनी यंदाचा दसरा मेळावा शिवाजी पार्कवर घेणार असल्याची घोषणा केल्यामुळे दोन्ही गटात शिवाजी पार्क वरुन संघर्ष होण्याची शक्यता नाकारता येत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.