Pune News : पुण्यात काही दिवसांपूर्वी माजी महापौर मुरलीधर मोहोळ यांच्या नावाने खंडणी मागण्याचा प्रकार ताजा असतानाच भाजपच्या माजी नगरसेवकाकडे खंडणी मागितल्याचा प्रकार समोर आला आहे. 'खूप मस्ती आली का? चुपचाप पंचवीस लाख रुपये दे, असं म्हणत भाजपचे माजी नगरसेवक गणेश बिडकर यांना धमकी आली आहे. या प्रकरणी अज्ञात व्यक्ती विरोधात गुन्हा दाखल करण्यात आला आहे. (Latest Marathi News)
भाजपचे (BJP) नेते आणि उपमुख्यमंत्री देवेंद्र फडणवीस यांचे निकटवर्तीय म्हणून ओळख असलेले गणेश बिडकर यांना अज्ञात व्यक्तीकडून शिवीगाळ झाल्याचा प्रकार समोर आला आहे. त्याचबरोबर पुण्याचे (Pune) भाजपचे नेते गणेश बिडकर यांच्याकडे २५ लाख रुपयांची खंडणी मागितली आहे. एका अनोळखी क्रमांकावरून धमकी देत खंडणी मागण्याचा प्रकार समोर आला आहे.
गणेश बिडकर यांनी या प्रकरणी सायबर पोलीस ठाण्यात तक्रार दिली आहे. अनोळखी नंबर वरुन धमकी देत खंडणी मागण्याचा प्रकार समोर आला आहे. या प्रकरणी गणेश बिडकर यांनी या प्रकरणी सायबर पोलीस ठाण्यात तक्रार दिली आहे. (Pune Crime News)
बिडकर यांनी दिलेल्या तक्रारीनुसार, रामनवमी उत्सव सुरू असताना त्यांना एका अनोळखी व्यक्तीने व्हॉट्सॲप कॉल करून मराठी आणि हिंदी भाषेत शिवीगाळ करायला सुरुवात केली. त्या व्यक्तीने 'खूप मस्ती आली का? चुपचाप पंचवीस लाख रुपये दे" अशी धमकी देत खंडणी देखील मागितली. पैसे नाही दिले तर तुझी बदनामी करू, असे देखील या अनोळखी व्यक्तीने बिडकर यांना सांगितले
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
