बदलापुरात माजी नगरसेवकावर हल्ला, आधी बंदूक दाखवत कार अडवली, नंतर मारहाण

बदलापुर : बदलापुरात (badlapur) येथे माजी नगरसेवक आऊ मोरे यांच्यावर हल्ला करण्यात आला आहे. या हल्ल्यात माजी नगरसेवक आऊ मोरे हे जखमी झाले आहेत. या हल्ल्यानंतर माेरे यांना बदलापूर ग्रामीण रुग्णालयात उपचारार्थ दाखल करण्यात आले आहे. सध्या त्यांच्यावर उपचार सुरु असल्याची माहिती वैद्यकीय अधिका-यांनी दिली. (Badalapur Latest Marathi News)

अविनाश उर्फ आऊ मोरे हे मंगळवारी रात्री शिरगाव परिसरातील त्यांच्या घरी गाडीतून जात हाेते. त्यावेळी अज्ञात ४ ते ५ लाेकांनी त्यांची गाडी अडवली. यानंतर त्यांना गाडीतच मारहाण करण्यात आली. ही मारहाण ४ ते ५ जणांनी केल्याचे माेरे यांनी तक्रारीत म्हटलं आहे.

त्यातील काहींनी मला बंदुकीचाही धाक दाखवला असेही माेरेत यांनी म्हटलं आहे. या हल्ल्यात मोरे यांच्या नाकाला आणि तोंडाला इजा झाली आहे. या हल्ल्यानंतर मोरे यांना बदलापूरच्या ग्रामीण रुग्णालयात दाखल करण्यात आले. या प्रकरणी बदलापूर पूर्व पोलीस (police) ठाण्यात अज्ञातांवर गुन्हा दाखल करण्यात आले आहे. हा हल्ला नेमका कुणी आणि का केला ? हे आता पोलिसांच्या तपासातूनच स्पष्ट होऊ शकणार आहे.

Edited By : Siddharth Latkar