Vasai News: आश्रम शाळेत शिकणाऱ्या विद्यार्थ्याला अधिक्षकाकडून बेदम मारहाण केल्याची घटना धक्कादायक घटना वसईमध्ये घडली आहे. या मारहाणीत विद्यार्थ्याला जबर मार लागला आहे. या धक्कादायक घटनेनंतर आदिवासी विद्यार्थी आणि सामाजिक संघटनांनी संताप व्यक्त करत संबंधितांच्या अटकेची मागणी केली आहे.
याबाबत सविस्तर माहिती अशी की, आश्रम शाळेतील एका आठवीत शिकणाऱ्या विद्यार्थ्याला लाथा बुक्क्यांनी बेदम मारहाण केल्याची घटनासमोर आली आहे. वसई मधील कामण येथील अण्णासाहेब धामणे या अनुदानित आश्रम शाळेत हा धक्कादायक प्रकार घडला.
नितीन धनजी मागी (वय १४) असे या विद्यार्थ्याचे नाव असून तो डहाणू तालुक्यातील रामपुर (वरठापाडा ) येथील रहिवाशी आहे. तर, पृथ्वी बोरसे असे मारहाण करणाऱ्या अधिक्षकाचे नाव आहे.
धक्कादायक बाब म्हणजे मारहाण केल्यानंतर मुलाला गुपचूप घरी सोडण्यात आले. मारहाणीनंतर तो सात दिवस उपचाराविनाच असल्याचेही सांगण्यात येत आहे. या मारहाणीच्या घटनेमुळे आदिवासी विद्यार्थी तसेच सामाजिक संघटनांमध्ये प्रचंड संतापाची लाट उसळली आहे. या प्रकरणी मारहाण करणाऱ्या अधिक्षकावर गुन्हा दाखल करून त्याला तातडीने निलंबित करण्याची मागणी होत आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
