नालासोपारा : वसई विरार महापालिकेच्या गलथान कारभाराचा आणखी एक बळी गेला आहे. नालासोपारा (Nalasopara) येथे उघड्या गटारात पडून २५ वर्षीय तरूणाचा मृत्यू झाला आहे. या संदर्भात आचोळे पोलीस ठाण्यात अकस्मात मृत्यूची नोंद करण्यात आली आहे.
७ नोव्हेंबर रोजी विरार पश्चिमेला एका वयोवृद्ध महिलेचा उघड्या गटारात पडून मृत्यू झाला होता. ही घटना ताजी असताना नालासोपारा पुर्वेच्या अग्रवाल नगर परिसरातील एका गटारात ऋषभ सरकार (वय २५) याचा उघड्या गटारात पडून मृत्यू झाला आहे. ऋषभ याच परिसरातील पार्वती अपार्टमेंट मध्ये राहत होता. (Nalasopara News Todays Live)
ऋषभ कामानिमित्त दुपारी बाहेर गेला होता. त्याच्या इमारतीच्या शेजारी उघडे गटार आहे. रात्री घरी येताना पदपाथावरून चालत असताना अंधार असल्याने त्याला रस्त्याचा अंदाज आला नाही आणि त्याचा तोल जाऊन तो गटारात पडला आणि त्याचा बडून मृत्यू झाला. ऋषभ हा आपल्या आई वडिलांचा एकुलता एक मुलगा होता. (Latest Marathi News)
तो जानेवारी महिन्यात परदेशात नोकरीसाठी जाणार होता. मात्र वडिलांना कर्करोग असल्याने त्यांच्या उपचारासाठी तो घरातून काम करत होता. पण त्याच्या अचानक झालेल्या मृत्यूमुळे कुटुंबावर दुख:चा डोंगर कोसळला आहे. (Nalasopara News Today)
पालिकेने पावसाळ्यात सर्व उघडी गटारे बंदिस्त केल्याचा दावा केला होता. मात्र सलग महिनाभरात दोन जणांना उघड्या गटारात आपला जीव गमवावा लागला असल्याने पालिकेचा दावा फोल ठरला आहे. पालिकेच्या गलथान कारभारामुळे ऋषभचा मृत्यू झाल्याने परिसरातून हळहळ व्यक्त केली जात आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
