पुण्यात खळबळ! प्रेमप्रकरणातून तरुणाने डोक्यात गोळी झाडून जीवन संपवल, काय घडलं नेमकं ?

पुण्यात प्रेमप्रकरणातून झालेल्या एका धक्कादायक घटनेमुळं खळबळ उडाली आहे.
Pune Crime News
Pune Crime News Saam Tv

सचिन जाधव

पुणे : येथे प्रेमप्रकरणातून झालेल्या एका धक्कादायक घटनेमुळं खळबळ उडाली आहे. पुण्यातील हडपसर परिसरात हा धक्कादायक प्रकार उघडकीस आला आहे. २६ वर्षीय तरुणाने प्रेम प्रकरणातून (Person Ends life) स्वतःच्या डोक्यात गोळी झाडून आत्महत्या केली. विशाल राजेंद्र तोडकर असं आत्महत्या केलेल्या तरुणाचं नाव आहे. याप्रकरणी (Pune Police) हडपसर पोलीस ठाण्यात या घटनेची नोंद कऱण्यात आली आहे.

Pune Crime News
बापरे! व्हाट्सअॅप चॅटिंग तपासल्यानंतर प्रियकराची सटकली, गर्लफ्रेंडसोबत केलं भयंकर कृत्य

पोलिसांनी दिलेल्या माहितीनुसार, विशाल हा कपड्याच्या व्यासायिक होता.पुणे शहरात त्याची कपड्याची दुकाने आहेत. डिसेंबर २०२१ मध्ये त्याचे लग्न झाले होते. सध्या तो हडपसर परिसरात पत्नी आणि आईसोबत राहत होता. विशालचे एका तरुणी सोबत (love-Affaire) प्रेमसंबंध होते.याच कारणावरून मागील काही दिवसांपासून त्याच्या घरात वाद-विवाद होत होते. यामुळे पत्नीही माहेरी निघून गेली होती. पत्नी माहेरी गेल्यामुळे तो मागील काही दिवसांपासून नैराशात होता. दरम्यान, रविवारी रात्री नऊ वाजण्याच्या सुमारास त्याने स्वतःवर पिस्तुलातून गोळी झाडून आत्महत्या केली.

कुटुंबीयांनी विशालला संपर्क साधण्याचा प्रयत्न केला असता त्याचा काहीही प्रतिसाद मिळाला नाही. त्यानंतर कुटुंबीयांना घडलेल्या प्रकाराबाबत समजलं. विशालच्या मृत्यूला जबाबदाप त्याची प्रेयसी आहे, असा आरोप करत विशालच्या कुटुंबीयांनी पोलिसांकडे कारवाईची मागणी केली आहे. या घटनेची माहिती मिळताच हडपसर पोलीसांनी घटनास्थळी धाव घेतली. विशालकडे गावठी पिस्तूल कुठून आले ? याबाबत अधिक तपास पोलीस करत आहेत.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com