कश्मिरी पंडितांसाठी जे जे शक्य आहे ते करू : उद्धव ठाकरे

काश्मिरी पंडित पुन्हा संकटात सापडला आहे.पंडितांचे हत्याकांड आणि पलायन याबाबत मुख्यमंत्री उद्धव ठाकरे यांनी तीव्र चिंता व्यक्त केली आहे.
Uddhav Thackeray
Uddhav Thackeray Saam Tv

मुंबई : काश्मिरी पंडित (Kashmir Pandit) पुन्हा संकटात सापडला आहे.पंडितांचे हत्याकांड आणि पलायन याबाबत मुख्यमंत्री उद्धव ठाकरे (Uddhav Thackeray) यांनी तीव्र चिंता व्यक्त केली आहे. काश्मिरी पंडितांच्या मागे महाराष्ट्र ठाम उभा राहील. जे जे शक्य आहे ते सर्व करेल,अशी भूमिका मुख्यंत्री उद्धव ठाकरे यांनी घेतली आहे. ( Uddhav Thackeray News In Marathi )

हे देखील पाहा -

गेल्या काही दिवसांपासून काश्मिरी पंडितांची हत्येचे प्रकरण गेल्या ९ महिन्यांपासून घडत आहे. त्यामुळे काश्मीर खोऱ्यातील शेकडो भयभीत पंडित आता पलायन करू लागले आहे. या घटनेबद्दल मुख्यमंत्री उद्धव ठाकरे यांनी चिंता व्यक्त केली आहे. उद्धव ठाकरे म्हणाले, 'काश्मीर खोऱ्यात काश्मिरी पंडितांचे शिरकाण सुरू आहे. पंडितांना घरवापसीची स्वप्ने दाखवली गेली, परंतु आता त्यांना स्वप्ने दूरच त्यांना आता वेचून मारले जात आहे. ही घटना अस्वस्थ करणारी आहे. याक्षणी या काश्मिरी पंडितांच्या पाठीशी महाराष्ट्र ठाम उभा राहिल, असं मुख्यमंत्री म्हणून वचन देत आहे.

Uddhav Thackeray
'पंढरपूरचा विठोबा समोर असेल तर...'; नास्तिकतेच्या आरोपावर शरद पवारांनी दिलं उत्तर

मुख्यमंत्री ठाकरे पुढे म्हणाले,'१९९५ साली महाराष्ट्रात शिवशाहीचे सरकार अवतरले होते तेव्हा शिवसेनाप्रमुख बाळासाहेब ठाकरे यांनी कश्मिरी पंडितांच्या मुलांना महाराष्ट्रात विशेष बाब म्हणून शिक्षणात आरक्षण दिले होते. तसेच शिवसेनाप्रमुखांनी सातत्याने कश्मिरी पंडितांच्या रक्षणासाठी आवाज बुलंद केला, याचा उल्लेख करीत मुख्यमंत्री उद्धव ठाकरे म्हणाले, महाराष्ट्राने कश्मिरी पंडितांसोबत कायमच संवेदनशील नाते जपले आहे. हे आम्ही आमचे कर्तव्य मानतो आणि कर्तव्य भावनेनेच त्याकडे पाहतो. सध्या खोऱ्यातील परिस्थितीवर आमचे बारीक लक्ष आहे. कश्मिरी पंडितांच्या नेत्यांशीही चर्चा सुरू आहे. मी पुन्हा सांगतो, कश्मिरी पंडितांसाठी जे जे शक्य आहे ते सर्व करू. त्यांना वाऱ्यावर सोडणार नाही. महाराष्ट्र आपले कर्तव्य बजावेल'.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com