अक्षय बडवे, पुणे
Pune Crime News In Marathi : पुणे येथील कोंढवा परिसरात धक्कादायक घटना घडली आहे. पत्नीने जेवणाचा डबा दिला नाही म्हणून रागाच्या भरात पतीने केलेल्या मारहाणीत तिचा मृत्यू झाला. या प्रकरणी पोलिसांनी आरोपी पतीला अटक केली आहे.
मिळालेल्या माहितीनुसार, पुण्यातील (Pune) कोंढवा परिसरात ही धक्कादायक घटना घडली. पत्नीने जेवणाचा डबा दिला नाही. त्यामुळे रागाने पतीने तिला मारहाण केली. यात तिचा मृत्यू झाला. कोंढवा परिसरातील उंड्री येथील होले वस्ती भागात ही घटना घडली. (Latest Marathi News)
पोलिसांनी दिलेल्या माहितीनुसार, शीतल सोमनाथ पांडागळे (वय २७) असे हत्या झालेल्या महिलेचे नाव आहे. या प्रकरणात तिचा पती सोमनाथ महादेव पांडागळे (वय ३०) याला अटक केली आहे.
सोमनाथ हा मोलमजुरीची कामे करतो. तर शीतल ही फिरस्ती होती. दोघांची ओळख झाली आणि ओळखीचे रुपांतर प्रेमात झाले. त्यानंतर त्यांनी एका मंदिरात जाऊन लग्न केले होते. (Crime News In Marathi)
शनिवारी सकाळी कामावर जाताना शीतलने सोमनाथला जेवणाचा डबा दिला नाही. यावरून त्यांच्यामध्ये वाद झाले. सोमनाथने लाकडी बांबूने शीतलला मारहाण केली. या मारहाणीच्या दरम्यान तिला फिट आली आणि ती बेशुद्ध पडली.
तिला रुग्णालयात दाखल केले. डॉक्टरांनी तपासून मृत घोषित केले. तिच्या अंगावर मारहाणीच्या खुणा दिसल्यामुळे हा सगळा प्रकार समोर आला.
या प्रकरणी कोंढवा पोलीस ठाण्यात आरोपी पतीविरोधात खुनाचा गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
