वसंत मोरे मनसेत राहणार की जाणार? पोस्ट झाली व्हायरल

मनसेच्या पुणे शहराध्यक्षपदावरून हटवल्यानंतर वसंत मोरे यांनी लगेच ट्विट आणि फेसबुक पोस्ट केली आहे.
वसंत मोरे मनसेत राहणार की जाणार? पोस्ट झाली व्हायरल
Vasant More Twitter PostTwitter/@vasantmore88

अश्विनी जाधव केदारी

पुणे : मनसेच्या पुणे शहराध्यक्षपदावरून हटवल्यानंतर वसंत मोरे यांनी लगेच ट्विट आणि फेसबुक पोस्ट केली आहे. अरे, मी तर कधीपासूनच तुझा मावळा आहे, असं त्यांनी पोस्टमध्ये म्हटलं आहे. वसंत मोरेंच्या या पोस्टची जोरदार चर्चा असून, ते पक्षातच राहणार की पक्ष सोडणार? याबाबत राजकीय वर्तुळात जोरदार चर्चा सुरू आहे.

Vasant More Twitter Post
Vasant More: राज ठाकरेंची नाराजी, वसंत मोरेंना पदावरून हटवलं

गुढीपाडवानिमित्त मुंबईत झालेल्या मनसे मेळाव्यात पक्षाचे प्रमुख राज ठाकरे यांनी मशिदींवरील अनधिकृत भोंग्याबाबत आक्रमक भूमिका घेतली होती. भोंगे हटवले नाहीत, तर मशिदींसमोर भोंग्यांवर हनुमान चालीसा लावण्यात येईल, असे ते म्हणाले होते. त्यानंतर राज्यातील राजकारण ढवळून निघाले होते. राजकीय वर्तुळातून वेगवेगळ्या प्रतिक्रिया व्यक्त करण्यात येत होत्या. एकीकडे मनसे कार्यकर्ते आक्रमक झाले होते, तर मनसेचे पुण्यातील शहराध्यक्ष वसंत मोरे यांनी वेगळी भूमिका घेतली होती. आपल्या प्रभागात शांतता हवी म्हणून मशिदींसमोर हनुमान चालीसा लावणार नाही, असं ते म्हणाले होते. यानंतर राज ठाकरे वसंत मोरेंवर नाराज होते. वसंत मोरे यांना मनसे शहराध्यक्षपदावरून हटवण्यात आले आहे. यानंतर या पदावर साईनाथ बाबर यांची निवड केली आहे.

वसंत मोरे यांना पदावरून हटवल्यानंतर, त्यांनी फेसबुक आणि ट्विटवर पोस्ट केली आहे. यात त्यांनी साईनाथ बाबर यांचे अभिनंदन केले असून, त्यांना शुभेच्छाही दिल्या आहेत. 'अरे, मी तर कधीपासूनच तुझा मावळा आहे. कार्यक्षम नगरसेवक मनसेचे गटनेते साईनाथ बाबर यांची पुणे शहर अध्यक्षपदी निवड झाली असून, खूप खूप अभिनंदन साई...' असे मोरे यांनी नमूद केले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com