रामनाथ दवणे
राज्यातील महिलांवरील वाढत्या लैंगिक अत्याचाराच्या (Sexual harassment) पार्श्वभुमीवर आज भाजप प्रदेश उपाध्यक्षा चित्रा वाघ (Chitra Wagh) आणि भाजप महिला आमदार यांनी आज राज्यपालांची भेट घेतली. याभेटी दरम्यान त्यांनी राज्यसरकारने विशेष अधिवेशन (Special session) बोलवून या अत्याचारांच्या विरोधात योग्य निर्णय ध्यावेत, अशी मागणी यावेळी राज्यपालांकडे केली. तसेच, एट्रॉसिटी कायद्याप्रमाणे महिला एट्रॉसिटी कायदा करावा, अशी मागणी राज्यपालांकडे करण्यात आली आहे.
हे देखील पहा-
सामना मधील लिहण्यात आलेल्या साकिनाका घटनेबाबतच्या अग्रलेखावर भाजप प्रदेश उपाध्यक्षा चित्रा वाघ यांनी सडकून टीका केली आहे. संजय राऊत यांची तालिबानी वृत्ती रश्मी ठाकरे ठेचून काढणार का, असा सवाल चित्रा वाघ यांनी केला आहे. साकिनाका घटनेत एक आरोपी पकडला आहे, असे संजय राऊत लिहतात अजून तपास सुरू असताना एक आरोपी पकडला आहे हे राऊत कसे सांगू शकतात. संजय राऊत मुंबईचे सिपी झाले आहेत का? असा प्रश्न ही वाघ यांनी उपस्थित केला आहे.
तर, महाविकास आघाडी सरकारला अजून महिला आयोगाची स्थापना करता आली नाही. महिला बालकल्याण मंत्री फाईल मुख्यमंत्री, उपमुख्यमंत्री यांच्याकडे पाठवली असल्याचे सांगत आहेत. महाविकास आघाडी सरकार मध्ये मंत्र्यांना किंमत नाही तर सामन्यांना काय न्याय मिळणार, असा खोचक टोलाही त्यांनी यावेळी लगावला आहे.
तसेच, महिला आयोग स्थापन झाले नसले तरी काम सुरू आहे, असे सगणाऱ्यांच्या डोळ्याखाली घटना घडत आहेत मग याचे उत्तर मंत्री देतील का? महिला आयोग हे महिलांच्या न्यायासाठी एक व्यासपीठ आहे ते बंद करायचे असेल तर सरकारने तसं सांगावे, असही चित्रा वाघांनी यावेळी म्हटले आहे.
Edited By- Anuradha
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
