Pune News : 31 डिसेंबरच्या रात्री सावित्रीबाई फुले पुणे विद्यापीठातील विद्यार्थिनीला छेडले, गुन्हा दाखल

- सचिन जाधव

Pune Crime News : मित्रासोबत गप्पा मारत थांबलेल्या विद्यार्थिनीला अश्लील शिवीगाळ करून विनयभंग केल्याचा प्रकार नुकताच समोर आला आहे. या प्रकरणी चतुःश्रुंगी पोलिसांनी दीपक सौदे या संशयितांवर गुन्हा दाखल केला आहे. पाेलिस (police) या प्रकरणाचा तपास करीत आहेत. (Maharashtra News)

ही घटना 31 डिसेंबरला रात्री बाराच्या सुमारास सावित्रीबाई फुले पुणे विद्यापीठातील (Savitribai Phule Pune University) अ‍ॅल्युमिनी हॉलच्या समोरील सार्वजनिक रस्त्यावर घडली. त्याबाबतची माहिती एका संबंधित विद्यार्थिनी पाेलिसांत देत युवकाविरुद्ध (youth) तक्रार नाेंदवली.

पोलिसांनी दिलेल्या माहितीनुसार, फिर्यादी युवती विद्यापीठात शिक्षण घेत आहे. तिच्या मित्रासोबत ती येथील अ‍ॅल्युमिनी हॉलसमोरील सार्वजनिक रस्त्यावर 31 डिसेंबरच्या रात्री गप्पा मारत थांबले होते. त्या वेळी संशयित आराेपी सौदे तेथे आला. त्याने युवतीला काही कारण नसताना तू कोणत्या डिपार्टमेंटची आहे, एवढ्या उशिरा काय करता, असे बोलून अश्लील शिवीगाळ केली. (Latest Marathi News)

तसेच, पोलिसाची गाडी बोलावून आतमध्ये टाकण्याची धमकी देऊन तरुणीच्या मनास लज्जा उत्पन्न होईल, असे वर्तन केले. हा प्रकार घडल्यानंतर तरुणीने पोलिस ठाण्यात धाव घेत तक्रार दिली त्यावरून युवकावर गुन्हा दाखल करण्यात आला आहे. या प्रकरणाचा तपास सुरु आहे असे पाेलिसांनी नमूद केले.

Edited By : Siddharth Latkar