California Shooting News : अमेरिकेतील कॅलिफोर्नियामध्ये पुन्हा एकदा अंदाधुंद गोळीबाराची घटना समोर आली आहे. या गोळीबारात १६ जणांना गोळ्या लागल्या असून त्यापैकी १० जणांचा मृत्यू झाला आहे. तर अनेक जण जखमी झाले आहेत.
घटनेची माहिती मिळताच, पोलिसांनी घटनास्थळी पोहोचून परिसराची नाकाबंदी केली. तसेच जखमींना उपचारासाठी रुग्णालयात दाखल केले. अमेरिकेतील कॅलिफोर्नियामध्ये चिनी नववर्षाचे आयोजन करण्यात आले होते. या कार्यक्रमात काही अज्ञातांनी गोळीबार केला.
मिळालेल्या माहितीनुसार, मॉन्टेरी पार्कमध्ये चिनी नववर्षाचे आयोजन करण्यात आले होते. यावेळी या ठिकाणी मोठ्या संख्येने नागरिक उपस्थित होते. दरम्यान, कार्यक्रमस्थळी अचानक गोळीबार सुरू झाला. ही घटना शनिवारी रात्री दहाच्या सुमारास घडली असल्याची माहिती आहे. या गोळीबारात १६ जणांना गोळी असून १० जणांचा दुर्दैवी मृत्यू झाला.
या घटनेचा एक व्हिडिओही सोशल मीडियावर (Social Media) व्हायरल होत आहे. व्हिडिओमध्ये घटनास्थळी आपत्कालीन कर्मचारी जखमींवर उपचार करताना आणि पोलीस (Police) रस्त्यावर गस्त घालताना दिसत आहेत.
घटनास्थळी मोठ्या आवाजात गाणी लावण्यात आली होती. त्यामुळे गोळीबार झाल्याचं लोकांना कळालं नाही. पण जेव्हा लोकांनी धावपळ करायला सुरुवात केली, त्यानंतर परिसरात गोळीबार झाल्याची माहिती उघडकीस आली. हा हल्ला नेमका कुणी आणि का केला याची अद्याप माहिती समोर आलेली नाही. स्थानिक पोलीस घटनेचा पुढील तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
