Moscow: रुस मधील एका शाळेत माथेफिरूने अंदाधुंद गोळीबार केल्याची धक्कादायक घटना घडली असून या गोळीबारामध्ये तब्बल १३ जणांचा मृत्यू झाल्याची माहीती समोर आली आहे. याबाबत रुसच्या (Russia) गृह मंत्रालयाने आज सोमवारी माहिती दिली.
शाळेमध्ये झालेल्या या गोळीबारात मृत्यू झालेल्यांमध्ये ५ चिमुकल्यांचा समावेश आहे. तर या गोळीबारात २० जण गंभीर जखमी झाले आहेत. ही घटना रशियातील इझेव्हस्कमध्ये घडली आहे.
धक्कादायक बाब म्हणजे गोळीबार करणाऱ्याने माथेफिरुने देखील गोळीबारानंतर स्वत:ला संपविलं आहे. गोळीबार करणाऱ्याचा मृतदेह पोलिसांना सापडला असल्याची माहिती रशियाच्या गृह मंत्रालयाने एका टेलिग्राम चॅनलवर माहिती शेअर केली आहे.
पाहा व्हिडीओ -
तर रशियाच्या तपास संस्थेने टेलिग्रामवर प्रसिद्ध केलेल्या निवेदनात म्हटले आहे की, या गोळीबाराच्या घटनेमध्ये मृत्यू झालेल्यांमध्ये दोन शाळेचे सुरक्षा रक्षक आणि दोन शिक्षकांसह ५ मुलांचा समावेश आहे. तर गोळीबारानंतर हल्लेखोराने स्वत:वर गोळी झाडून आत्महत्या केल्याची माहिती टेलेग्रामवर प्रसिद्ध करण्यात आली आहे.
दरम्यान, युक्रेन युद्धामुळे ((Russia Ukraine War) सध्या रशियातील वातावरण तणावपूर्ण आहे. रशियाचे अध्यक्ष व्लादिमीर पुतिन यांनी नुकतेच युक्रेनमध्ये आपले राखीव सैन्य पाठवण्याचा निर्णय घेतला होता अशातच हि घटना घडल्यामुळे नागरिकांमध्ये भीतीचं वातावरण निर्माण झालं आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.