UP: 13 वर्षीय मुलगी, आधी स्टेशनवर गँगरेप नंतर पोलीस स्टेशनमध्येही बलात्कार!

उत्तर प्रदेशातील ललितपूरमध्ये एका अल्पवयीन मुलीवर सामूहिक बलात्कार झाल्याच्या घटनेने खळबळ उडाली आहे.
UP: 13 वर्षीय मुलगी, आधी स्टेशनवर गँगरेप नंतर पोलीस स्टेशनमध्येही बलात्कार!
वृत्तसंस्थाSaam Tv

लखनौ : उत्तर प्रदेशातील ललितपूरमध्ये एका अल्पवयीन मुलीवर सामूहिक बलात्कार झाल्याच्या घटनेने खळबळ उडाली आहे. या मुलीने सांगितलेल्या कथेने या संपूर्ण प्रकरणात पोलिसांच्या भूमिकेवर आता प्रश्नचिन्ह निर्माण केले आहे. रक्षकच जर भक्षक होतो, मग बळी जातो कुठे, असा प्रश्न उपस्थित केला जात आहे. या प्रकरणातील पीडितेची कहाणी ऐकून एसपीही चकित झाले आणि तातडीने तपासाचे आदेश दिले. आता या प्रकरणातील आरोपी एसएचओ फरार असून त्याच्यावर कारवाईची फेरी सुरू झाली आहे.

पीडितेच्या आईच्या म्हणण्यानुसार, पाली शहरातील रहिवासी चंदन, राजभान, हरिशंकर आणि महेंद्र चौरसिया यांनी तिच्या 13 वर्षांच्या अल्पवयीन मुलीला भोपाळला नेले. येथे त्यांनी तीन दिवस सतत तिच्यावर बलात्कार केला, त्यादरम्यान ते तिला स्टेशनजवळील रस्त्यात लपवून ठेवत होते. यानंतर 25 एप्रिल रोजी या चौघांनी तिच्या मुलीला पाली पोलीस ठाण्यातील निरीक्षकाजवळ सोडून पळ काढला.

वृत्तसंस्था
तुमच्या आधार कार्डचा चुकीचा वापर कुठे होतोय? सोप्या पद्धतीने शोधता येणार

जबाब घेतल्यानंतर पोलीस ठाण्यातील अधिकाऱ्याने केला बलात्कार;

यामध्ये, पोलीस कर्मचाऱ्याने मुलीला तिच्या आई-वडिलांकडे सोपवण्याऐवजी मुलीला तिच्या मावशीच्या ताब्यात दिल्याचा आरोप आहे. त्यानंतर, दोन दिवसांनंतर 27 एप्रिल रोजी मुलीला पुन्हा पोलीस ठाण्यात बोलावून तिची जबाब घेण्यात आला. त्याच दिवशी सायंकाळी पोलीस ठाण्यात टिळकधारी सरोज याने मुलीला खोलीत नेले आणि येथे तिच्यावर बलात्कार केला. यानंतर मुलीला पुन्हा मावशीच्या ताब्यात दिले.

पीडितेच्या आईने सांगितले की, एवढेच नाही तर तीन दिवसांनंतर 30 एप्रिलला पुन्हा मुलीला पोलिस ठाण्यात बोलावण्यात आले आणि येथे मुलीला चाइल्डलाइनच्या ताब्यात देण्यात आले. यानंतर चाइल्ड लाईनमध्ये पिडीतेचे समुपदेशन केले असता, हा सगळा भयानक प्रकार मुलीने सांगितला. या प्रकरणी पोलिसांनी आरोपी एसएचओ पाली तिलकधारी सिंग सरोज, चंदन, राजभान, हरिशंकर, महेंद्र चौरसिया आणि एका महिलेविरुद्ध पोक्सो कायदा आणि एससी अॅक्ट अंतर्गत गुन्हा दाखल केला आहे.

हे देखील पहा-

या प्रकरणात, अतिरिक्त पोलिस महासंचालक, कायदा आणि सुव्यवस्था प्रशांत कुमार यांनी सांगितले की, या दुर्दैवी घटनेची माहिती मिळताच त्या निरीक्षकावर तात्काळ कारवाई करण्यात आली आहे. निरीक्षकाला निलंबित करण्यात आले आहे. याप्रकरणी पाली पोलीस ठाण्यात निरीक्षकासह 6 जणांवर गुन्हा दाखल करण्यात आला आहे. आतापर्यंत एकूण 3 जणांना अटक करण्यात आली आहे. यामध्ये एका महिलेचाही समावेश आहे. त्यांनी सांगितले की डीआयजी झाशी यांना घटनास्थळी राहण्याच्या सूचना दिल्या आहेत. दोषी कोणी असेल, पोलीस कर्मचारी असला तरी सर्वांवर कडक कारवाई केली जाईल. कुणालाही सोडले जाणार नाही, असे ते म्हणाले. एक पथक तयार करण्यात आले असून, त्याच्या अटकेसाठी सातत्याने प्रयत्न सुरू आहेत. या प्रकरणाचा तपास सुरू आहे, अशी माहिती त्यांनी दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.