Girl Died Due To Heart Attack : घरातील हसरा चेहरा हरपला! 13 वर्षीय मुलीचा हृदयविकाराच्या झटक्याने मृत्यू

Telangana News : गेल्या काही महिन्यांपासून भारतात हृदयविकाराच्या झटक्याने मृत्यूमुखी पडणाऱ्यांची संख्या झपाट्याने वाढत असल्याचे चित्र सध्या पाहायला मिळत आहे. अगदी तरुण वयात देखील याचे बळी ठरणाऱ्यांची संख्या झपाट्याने वाढत आहे. अशीच एक घटना महबूबाबाद जिल्ह्यातील मरीपेडा मंडलातील अब्बापलेम गावात घडली आहे. एका 13 वर्षीय मुलीचा हृदयविकाराच्या झटक्याने मृत्यू झाला आहे. (Latest Marathi News)

बोडा श्रावंती असे या चिमुकलीचे नाव आहे असून ती सहावीत शिकत होती. मुलीचे आई-वडील शेतकरी आहेत. गुरुवारी संध्याकाळी श्रावंतीला श्वास घेण्यास त्रास होत होता. तिने तातडीने याबाबत आपल्या आजीला सांगितले. त्यानंतर मुलीला डॉक्टरांकडे (Doctor) नेणारच त्यापूर्वीच ती खाली पडली आणि गावात तिच्या आजी-आजोबांच्या घरात तिचा मृत्यू झाला. वयाच्या अवघ्या 13 व्या वर्षी तिची प्राणज्योत मालवल्याने परिसरात हळहळ व्यक्त करण्यात येत आहे. (Telangana News)

पोलिसांनी दिलेल्या माहितीनुसार, गुरुवारी रात्री झोपल्यानंतर श्रावंतीला काही तासांनी जाग आली. तेव्हा तिला श्वास घेण्यास त्रास होत होती. तिने आपल्या आजीला छातीत दुखत असल्याचे सांगितले. कुटुंबातील सदस्य तिला डॉक्टरांकडे नेणारच तितक्यात ती खाली पडली आणि तिचा मृत्यू झाला.

मुलीला सीपीआर देऊन उठवण्याचा प्रयत्न करण्यात आला पण सर्व प्रयत्न अयशस्वी ठरले. अवघ्या १३ वर्षीय श्रावंतीचा हृदयविकाराच्या झटक्याने मृत्यू झाला. ही बातमी गावात पसरताच गावात शोककळा पसरली.