कोरोनाचा 'सुपर स्पीड'! देशात गेल्या २४ तासांत ३२०७ नवे रुग्ण; २९ जणांचा मृत्यू

देशाची राजधानी दिल्लीत रुग्ण संख्येत जास्त वाढ होत आहे.
कोरोनाचा 'सुपर स्पीड'! देशात गेल्या २४ तासांत ३२०७ नवे रुग्ण; २९ जणांचा मृत्यू
Corona Latest News Updates, Corona Latest Marathi NewsSaam Tv

वृत्तसंस्था: देशात कोरोना विषाणूचा संसर्ग काहीसा घटताना दिसत आहे. देशात दररोज कोरोना (Corona) रुग्णांच्या संख्येत किंचित घट होत आहे. मागील २४ तासांत देशात ३२०७ नवीन रुग्णांची नोंद झाली आहे. तर २९ रुग्णांचा मृत्यू झाला आहे. या वाढलेल्या रुग्णांमधील जास्त रुग्ण वाढ देशाची राजधानी दिल्लीत आहे. दिल्लीमध्ये (Delhi) गेल्या २४ तासामध्ये हजारपेक्षा जास्त कोरोनाबाधित आढळले आहेत. (Corona Latest News Updates)

हे देखील पाहा-

दिल्ली राज्य सरकारच्या आरोग्य विभागाने दिलेल्या आकडेवारीनुसार राजधानी दिल्लीत काल दिवसभरात १४२२ नवीन कोरोना (Corona) रुग्ण आढळून आले आहेत. दरम्यान दिवसभरात एकाही रुग्णाच्या मृत्यूची नोंद झाली नाही. दिल्लीत रोजच कोरोना रुग्ण सकारात्मकता दर ५.३४ टक्क्यावर येऊन पोहोचला आहे. तर देशातील दैनंदिन कोरोना रुग्ण सकारात्मकता दर ०.०५ नोंदवला गेला आहे.

देशात नव्या रुग्णांसह सक्रिय रुग्णांची संख्या २० हजार ४०३ वर पोहोचली आहे. केंद्रीय आरोग्य मंत्रालयाने जारी केलेल्या आकडेवारीनुसार, रविवारी दिवसभरात ३ हजार ४१० रुग्णांनी कोरोना विषाणू संसर्गावर मात केली आहे. गेल्या २४ तासांत देशात २९ कोरोना रुग्णांचा मृत्यू झाला आहे.

Corona Latest News Updates, Corona Latest Marathi News
धक्कादायक! धावत्या रेल्वेत तरूणीची गळफास घेवून आत्महत्या

याबरोबरच देशात कोरोनामुळे मृत्यू झालेल्यांची संख्या ५ लाख २४ हजार ९३ इतकी झाली आहे. रविवारी दिवसभरात देशव्यापी लसीकरणात १३ लाख ५० हजार ६२२ लसी देण्यात आल्या आहेत. देशात मोठ्या प्रमाणात लसीकरण करण्यात आले असून आतापर्यंत १९० कोटी ३४ लाख ९० हजार ३९६ लसी देण्यात आल्या आहेत.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.