तामिळनाडू अग्नितांडव; फटाक्यांच्या गोदामाला भीषण आग, सहा जणांचा मृत्यू

वृत्तसंस्था : तामिळनाडू मधील कालाकुरिची जिल्ह्यातील शंकरपूरम या ठिकाणी आग लागल्याने भीषण दुर्घटना घडली आहे. शहरातील फटाक्यांच्या गोदामाला लागलेल्या आगीत ६ जणांचा मृत्यू झाला आहे, तर ९ जण गंभीर जखमी झाले आहेत. दुर्घटनेत जखमी झालेल्यांपैकी ३ जणांची प्रकृती गंभीर असल्याचे सांगण्यात येत आहे.

हे देखील पहा-

सर्वांवर उपचार सुरू आहेत. फटाक्यांच्या दुकानांना लागलेल्या आगीनंतर ज्वाळांचे प्रचंड लोट उठलेले बघायला मिळाले आहे. या घटनेचे काही दृश्यंही समोर आली आहेत. व्हिडिओमध्ये परिसर धुराने भरलेला बघायला मिळत आहे, तर फटाक्यांचा आवाजही ऐकू येत होता.

दुर्घटनेनंतर तामिळनाडूचे मुख्यमंत्री एम. के. स्टॅलिन यांनी मृतांच्या वारसांना नुकसान भरपाई देण्याचे जाहीर करण्यात आले आहे.आगीच्या दुर्घटनेत मृत्युमुखी पडलेल्यांच्या कुटुंबीयांना ५ लाख रुपयांची मदत जाणार आहे.

जे जखमी झाले आहेत आणि इमर्जन्सी वॉर्डमध्ये उपचार घेत आहेत, त्यांना १ लाख रुपयांची मदत देण्यात येणार आहे, असे मुख्यमंत्री एम. के. स्टॅलिन सांगितले आहे. या अगोदर जून महिन्यात एका अवैध फटाक्यांच्या फॅक्टरीमध्ये झालेल्या स्फोटात २ जणांचा मृत्यू झाला होता. मागील वर्षी सप्टेंबर २०२० मध्ये फटाक्यांच्या फॅक्टरीत लागलेल्या आगीत ७ जणांचा होरपळून मृत्यू झाला आहे.

Edited By- Digambar Jadhav