मुंबई : घरातील पाळीव कुत्रा बाहेर फिरायला घेऊन गेले असता तोच कुत्रा एका 9 वर्षांच्या मुलीला तब्बल16 वेळा चावल्याची धक्कादायक घटना समोर आली आहे. कुत्र्याने हल्ला (Dogs Attack) केल्याने ही चिमुरडी गंभीर जखमी झाली असून तिची प्रकृती नाजूक आहे. या धक्कादायक घटनेचा व्हिडीओ सोशल मीडियात मोठ्या प्रमाणात व्हायरल (Viral Video) होत आहे. याप्रकरणामध्ये त्या कुत्र्याच्या मालकाला पोलिसांनी दोषी ठरवत ताब्यात घेतले आहे.
नुकतंच काही दिवसांपुर्वी एका मुलीला मोकाट कुत्र्यांनी घेरुन जखमी केल्याची धक्कादायक घटनेचा व्हिडीओ व्हायरल झाला होता. त्यानंतर आता चेन्नईमध्ये (Chennai) ही कुत्र्याने जखमी केल्याची आणखी एक घटना समोर आली आहे. एका स्थानिक वृत्तसंस्थेनं दिलेल्या माहितीनुसार, एक 9 वर्षांची मुलगी घराबाहेर खेळत असताना त्याचवेळी एक माणूस आपल्या पाळीव कुत्र्याला (Dog) घेऊन बाहेर फिरायला आला होता. त्यावेळी तो कुत्रा मालकीणीच्या हातातून निसटला आणि त्याने 9 वर्षांच्या मुलीवरती हल्ला केला.
सदर घटना 28 डिसेंबरला घडली असून या घटनेचा सर्व प्रकार CCTV मध्ये कैद झाला आहे. कुत्रा आधी मुलीच्या मागे लागला ते या मुलीला कळताच ती धावू लागली मात्र कुत्र्यांने तिला गाठले आणि तिचा चावा घ्यायला सुरुवात केली आणि या कुत्र्याने एक दोन वेळा नव्हे तर तब्बल 16 वेळा कुत्र्याने मुलीचा चावा घेतला ही घटना पाहताच तेथील उपस्थित लोकांनी कुत्र्याला हुसकावून लावलं मात्र तोपर्यंत ती मुलगी गंभीर जखमी झाली होती. याप्रकरणी चेन्नईतील नोलंबूर पोलीस स्थानकात गुन्हा दाखल करण्यात आला आहे. या प्रकरणाची दखल घेत पोलिसांनी कुत्र्याच्या मालकीणीला ताब्यात घेतलं आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
