"भाई मातोश्रीवर परत चला!" साताऱ्याचा शिवसैनिक पोहोचला थेट शिंदे थांबलेल्या हॉटेलबाहेर

Eknath Shinde Latest News : साताऱ्याचा हा शिवसैनिक एकनाथ शिंदे ज्या रेडिसन ब्ल्यू हॉटेलात थांबले आहेत, त्याच हॉटेलबाहेर हा साताऱ्याचा शिवसैनिक पोहोचला आहे.
"भाई मातोश्रीवर परत चला!" साताऱ्याचा शिवसैनिक पोहोचला थेट शिंदे थांबलेल्या हॉटेलबाहेर
a shivsainik from satara reached at hotel radisson blu for convince Rebel shivsena mla eknath shindeसंजय डाफ

मुंबई: कट्टर शिवसैनिक असणारे एकनाथ शिंदे (Eknath Shinde) यांच्या बंडामुळे शिवसेना अक्षरशः ढासळली आहे. महाविकास आघाडी सरकारही कोसळण्याच्या वाटेवर आहे. याबाबत अनेकजण एकनाथ शिंदेंवर टीका करतायत तर काही जण त्यांचं समर्थनही करतायत. या सगळ्यात एकनाथ शिंदे यांना परत आणण्यासाठी एका शिवसैनिक थेट गुवाहाटीत पोहोचलाय. साताऱ्याचा हा शिवसैनिक एकनाथ शिंदे ज्या रेडिसन ब्ल्यू हॉटेलात थांबले आहेत, त्याच हॉटेलबाहेर हा साताऱ्याचा शिवसैनिक पोहोचला आहे. "साहेब मातोश्रीवर परत चला" अशी आर्त साद त्याने एकनाथ शिंदेंना घातली आहे. (Eknath Shinde Latest News)

हे देखील पाहा -

साताऱ्याच्या या शिवसैनिकाचं नाव अद्याप कळू शकलेलं नाही. मात्र या शिवसैनिकानं आपल्या गळ्यात एक पाटी लावली आहे. यावर त्यानं एकनाथ शिंदेंना भावनिक आवाहन केलं आहे. यावर लिहीलंयं की, "शिवनसेना जिंदाबाद! एकनाथ शिंदे (भाई) मातोश्रीवर परत चला, उद्धवजी आणि आदित्यजींना साथ द्या" असा मजकूर यावर लिहीलेला आहे. यात त्याने उद्धव ठाकरे आणि आदित्य ठाकरे यांना साथ देण्याचं भावनिक आवाहन एकनाथ शिंदेंना केलं आहे. दरम्यान हॉटेलबाहेर उभा असलेल्या या शिवसैनिकाला स्थानिक पोलिसांनी ताब्यात घेतलं आहे.

शिवसेनविरोधात आणि महाविकास आघाडीविरोधात बंड करणारे नेते एकनाथ शिंदे सध्या गुवाहाटीत आहेत. शिवसेनेच्या तब्बल ४० आमदार आणि १० अपक्ष आमदार त्यांच्यासोबत असल्याचा दावा शिंदे गटाकडून करण्यात आला आहे. राज्यातल्या या राजकीय रणधूमाळीत शिवसेनेला सर्वात जास्त हाणी पोहोचल्याचं सध्या दिसतंयं. याच पार्श्वभूमीवर या एका सामान्य शिवसैनिकाने एकनाथ शिंदेंना भावनिक आवाहन केलं आहे.

a shivsainik from satara reached at hotel radisson blu for convince Rebel shivsena mla eknath shinde
Video : "...अशा गद्दारांना पाकिस्तानात पाठवा"; एकनाथ शिंदेंकडे बोट दाखवत संतांनी केली होती भविष्यवाणी?

दरम्यान आपला गट हाच शिवसेना विधिमंडळ पक्ष असल्याचा दावा शिंदेंकडून करण्यात आल्यामुळे आता सेनेत फूट पडली असून उद्धव ठाकरे समर्थक चांगलेच आक्रमक झाले आहेत. मात्र, शिंदे यांच्या गटामध्ये सामील होणाऱ्या आमदारांची संख्या सातत्याने वाढत आहे. सध्या एकनाथ शिंदे यांच्याकडे जवळपास ५० आमदारांचा पाठिंबा असल्याचा दावा ते करत आहेत. त्यामुळे आता खरी शिवसेना कोणती आणि समर्थन कोणाचं करयाचं असा प्रश्न सामान्य शिवसैनिकांसमोर उपस्थित झाला आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com