आम्ही दोन लग्ने केली तरी, पत्नींचा आदर करतो, पण हिंदू...; MIM नेत्याच्या वक्तव्याने नवा वाद

MIM Leader Shaukat Ali Statement : उत्तर प्रदेशचे एमआयएम पक्षाचे प्रदेशाध्यक्ष शौकत अली (Shaukat Ali) यांनी हिंदू विवाह पद्धतीवर भाष्य करताना नवा वाद ओढवून घेतला आहे.

आम्ही तीन-तीन विवाह करतो असे लोक म्हणतात. आम्ही दोन लग्ने करतो, पण आमच्या पत्नींचा आदर करतो. मात्र, तुम्ही (हिंदू) एकीची लग्न करता आणि तीन-तीन प्रेयसी असतात. तुम्ही ना पत्नीचा, ना प्रेयसींचा आदर करता, असं शौकत अली म्हणाले.

हिजाब वादावरही शौकत अली यांनी भाष्य केले. या देशात कोण काय परिधान करेल, हे संविधान ठरवेल. भाजप असे मुद्दे घेऊन देशात फूट पाडण्याचे काम करत आहे, असा आरोपही अली यांनी केला. शौकत अली यांनी यावेळी भाजपवर (BJP) निशाणा साधला.

भाजप कमकुवत झाली की ते मुस्लीम समाजाशी संबंधित मुद्दे उकरून काढतो, असे ते म्हणाले. भाजप घाणेरडे राजकारण करत असल्याचाही आरोप त्यांनी केला. (Latest Marathi News)

एमआयएम प्रमुख असदुद्दीन ओवैसी यांचे नीकटवर्तीय म्हणून शौकत अली यांना ओळखले जाते. उत्तर प्रदेश निवडणुकीदरम्यान शौकत अली यांची अनेक वक्तव्ये चर्चेचा विषय ठरली होती. हिजाब वादावर असदुद्दीन ओवैसी यांनीही सवाल उपस्थित केले आहेत.

शीख समाजातील व्यक्ती पगडी परिधान करू शकते, एक हिंदू महिला मंगळसूत्र आणि कुंकू लावू शकते, तर मुस्लीम मुलींना हिजाब परिधान करण्यापासून का रोखले जाते, असा सवाल त्यांनी केला होता.