बापरे! एअर इंडियाच्या विमानानं उड्डाण घेताच २० मिनिटांत हवेतच इंजिन पडलं बंद

गुरुवारी अन्य विमानानं प्रवाशांना बेंगळुरूला रवाना करण्यात आलं, अशी माहिती एअर इंडियाच्या प्रवक्त्यांनी दिली.
Air India
Air IndiaSaam Tv

मुंबई: एअर इंडियाच्या ए ३२० (Air India) नियो विमानानं उड्डाण केल्यानंतर अवघ्या २७ मिनिटांनंतर मुंबई विमानतळावर इमर्जन्सी लँडिंग करावं लागलं. तांत्रिक बिघाडामुळं हवेतच असताना विमानाचं इंजिन बंद पडलं. त्यामुळं तातडीने मुंबई विमानतळावर विमान उतरावावं लागलं. शुक्रवारी ही माहिती सूत्रांकडून देण्यात आली. गुरुवारी अन्य विमानानं प्रवाशांना बेंगळुरूला रवाना करण्यात आलं, अशी माहिती एअर इंडियाच्या प्रवक्त्यांनी दिली.

Air India
ज्ञानवापी मशिदीसमोर नमाजसाठी गर्दी; पोलिसांचा मोठा बंदोबस्त

सूत्रांच्या माहितीनुसार, नागरी उड्डाण महासंचालनालयाकडून या घटनेची चौकशी सुरू आहे. एअर इंडियाच्या ए ३२० नियो (Air India) या विमानांमध्ये सीएफएमचे लीप इंजिन असतात. ए ३२० नियो विमानाच्या पायलटला सकाळी ९.४३ मिनिटांनी मुंबईतील छत्रपती शिवाजी महाराज आंतरराष्ट्रीय विमानतळावरून उड्डाण भरल्यानंतर काही मिनिटांनंतर लगेच एका इंजिनात बिघाड झाल्याची माहिती मिळाली.

सूत्रांनी सांगितले की, इंजिन बंद पडल्यानंतर सकाळी १०.१० मिनिटांनी पुन्हा मुंबई विमानतळावर विमानाचं इमर्जन्सी लँडिंग करण्यात आलं. या घटनेबाबत एअर इंडियाच्या प्रवक्त्यांनी सांगितले की, 'एअर इंडिया सुरक्षिततेला सर्वोच्च प्राधान्य देत आहे. आमचे पायलट अशी परिस्थिती उद्भवली तर, तिला सामोरे जाण्यास तयार असतात. आमच्या अभियांत्रिकी आणि देखभाल-दुरुस्ती टीमने तातडीने तपासणी सुरू केली आहे.' प्रवाशांना अन्य विमानाने बेंगळुरूकडे रवाना करण्यात आले, अशी माहितीही त्यांनी दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com