Nupur Sharma : नुपूर शर्मा यांना जीवे मारण्याची धमकी; सलमान चिश्ती पोलिसांच्या ताब्यात

राजस्थानच्या अजमेर पोलिसांनी ही कारवाई केली आहे.
salman chishti arrested
salman chishti arrestedANI

अजमेर : नुपूर शर्मा यांचा शिरच्छेद करणाऱ्याला आपण पैसे घर देऊ असं भडकावू वक्तव्य करणाऱ्या खादिम सलमान चिश्ती याला अटक करण्यात आली आहे. राजस्थानच्या अजमेर पोलिसांनी ही कारवाई केली आहे. अजमेरच्या दर्ग्यामधील खादिम सलमान चिश्ती याने भाजपमधून निलंबित झालेल्या नुपूर शर्मा यांच्याविरोधात भडकावू विधानं केली होती. (Nupur Sharma Latest News)

salman chishti arrested
जम्मू-काश्मीरच्या कुलगाममध्ये लष्कराची मोठी कारवाई; २ दहशतवाद्यांनी केले आत्मसमर्पण

नुपूर शर्मा यांचा शिरच्छेद करणाऱ्याला आपण आपलं घर देणार असं त्याने जाहीर केलं होतं. त्याचा व्हिडीओ सोशल मीडियावर व्हायरल झाला होता. उदयपूरमध्ये टेलर कन्हैया लालच्या हत्येआधी तयार करण्यात आलेल्या व्हिडीओप्रमाणेच हा सुद्धा व्हिडिओ असल्यानं चिंता व्यक्त केली जाते आहे. यानंतर पोलिसांनी कारवाई करत त्याला बेड्या ठोकल्या आहेत.

अजमेरचे अतिरिक्त पोलीस अधीक्षक विकास सांगवान यांनी दिलेल्या माहितीनुसार, खादीम सलमान चिश्ती याला मंगळवारी रात्री 12 वाजता 45 मिनिटांनी अटक करण्यात आली. सलमान चिश्ती याच्यावर याआधी अनेक गुन्हे दाखल असल्याचं पोलिसांनी सांगितलं आहे. Nupur Sharma Marathi News)

salman chishti arrested
मोठी बातमी! घरगुती LPG सिलेंडरच्या दरात मोठी वाढ, जाणून घ्या नवीन दर

कोण आहे सलमान चिश्ती?

सलमान चिश्ती हा राजस्थानमधील अजमेरच्या दर्ग्यामधील खादिम आहे. तो एक हिस्ट्री शीटर सुद्धा आहे. त्याच्यावर अजमेरच्या दरगाह पोलीस ठाण्यात अनेक गुन्हे दाखल आहेत. आता त्यानं केलेल्या प्रक्षोभक विधानामुळे त्याच्यावर पुन्हा एकदा गुन्हा दाखल करण्यात आला असून त्याला अटकही करण्यात आली आहे.

दरम्यान, नुपूर शर्मा यांच्या समर्थना पोस्ट करणाऱ्या दोघांची हत्या आतापर्यंत झाली आहे. उदयपूरच्या कन्हैया लालच्या हत्येनं संपूर्ण देश हादरलाय. तर या हत्येचा व्हिडीओ समोर आलाय. या हत्येआधी सोशल मीडियात पोस्ट करत कन्हैया लाल याची हत्या करु, अशी चिथावणी देण्यात आली होती. त्यानंतर कन्हैय्या लालच्या मारेकऱ्यांनाही पोलिसांनी अटक केली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com