Gujarat Election 2022: 'आप'चा मुख्यमंत्रिपदाचा चेहरा कोण असेल? अरविंद केजरीवाल करणार घोषणा

पंजाब मध्ये वापरलेला पॅटर्न गुजरात मध्ये यशस्वी ठरणार का?
Arvind Kejriwal
Arvind KejriwalSaam Tv

शिवाजी काळे

Gujarat Assembly Election 2022 : संपूर्ण देशाचे लक्ष लागून राहिलेल्या गुजरात विधानसभा निवडणुकांचा अखेर बिगुल वाजला आहे. केंद्रीय निवडणूक आयोगाने (Election Commission) पत्रकारपरिषद घेऊन गुजरात विधानसभा निवडणुकांच्या तारखा जाहीर केल्या आहेत. गुजरात विधानसभेसाठी दोन टप्प्यात मतदान (Voting) होणार आहे. पहिल्या टप्प्यासाठी येत्या १ आणि दुसऱ्या टप्प्यासाठी ५ डिसेंबर रोजी मतदान होणार असून ८ डिसेंबर रोजी मतमोजणी होणार आहे. 

Arvind Kejriwal
Pune News : गजा मारणे टोळीतील फरार गुंड रुपेश मारणेला अटक; गुन्हे शाखेची मोठी कारवाई!

आत्तापर्यंत गुजरात विधानसभा निवडणूकीत भाजप (BJP) आणि काँग्रेसमध्ये (Congress) सामना होत आला आहे. मात्र, यंदाच्या निवडणूकीत गुजरातमध्ये पहिल्यांदाच आम आदमी (AAP) पक्षही मैदानात उतरला आहे. आज आम आदमी पक्ष मुख्यमंत्री पदाचा उमेदवार जाहीर करणार आहे. या संदर्भात दिल्लीचे मुख्यमंत्री आम आदमी पक्षाचे नेते अरविंद केजरीवाल यांनी मोबाईल क्रमांक देऊन लोकांच्या प्रतिक्रिया मागवल्या आहेत. त्यामुळं आज केजरीवाल मुख्यमंत्री पदाचा चेहरा म्हणून कोणाच्या नावाची घोषणा करतात हे पाहणं महत्त्वाचे आहे.

केजरीवाल यांनी पंजाब विधानसभा निवडणुकीत अशाच प्रकारे नागरिकांच्या प्रतिक्रिया घेऊन भगवंत मान यांना मुख्यमंत्री पदाचा उमेदवार घोषित केलं होतं. त्यात ते यशस्वी ठरले होते. त्यामुळं पंजाब मध्ये वापरलेला पॅटर्न गुजरात मध्ये यशस्वी ठरणार का? असा सवाल उपस्थित होत आहे. गुजरातमध्ये १९९५ पासून भाजपची सत्ता आहे.

गुजरात विधानसभा निवडणूक वेळापत्रक

पहिल्या टप्प्यासाठी 5 नोव्हेंबरला अधिसूचना जारी होणार

दुसऱ्या टप्प्यासाठी 10 नोव्हेंबरला अधिसूचना जारी होणार

अर्ज छाननी

पहिला टप्पा: 15 नोव्हेंबर

दुसरा टप्पा:18 नोव्हेंबर

अर्ज मागे घेण्याची शेवटची तारीख

पहिला टप्पा: 17 नोव्हेंबर

दुसरा टप्पा: 21 नोव्हेंबर

किती टप्प्यात पार पडणार मतदान: दोन टप्प्यात निवडणूक

पहिला टप्पा: 1 डिसेंबर

दुसरा टप्पा: 5 डिसेंबर

मतमोजणीची तारीख: 8 डिसेंबर

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com