कमाल! लॉकडाउनमध्ये घरीच तयार केलं स्वतःचं ४ सीटर विमान; आता अख्खं कुटुंब जगभर फिरतंय

लॉकडाउनच्या काळात केरळच्या अशोक लीसेरिल थमारक्षण यांनी घरीत स्वतःचे विमान तयार केले. आता ते या विमानातून जगभर फिरताहेत.
Ashok Aliseril Thamarakshan builds Airplane in  Lockdown/ Facebook
Ashok Aliseril Thamarakshan builds Airplane in Lockdown/ FacebookSAAM TV

केरळ: कोरोना महामारीमुळं अख्खं जग संकटात सापडलं. अनेकांनी कुटुंबांतील आपली माणसं गमावली. होत्याचं नव्हतं झालं. या सगळ्या निगेटिव्ह गोष्टी घडलेल्या असतानाच, काहींनी लॉकडाउनच्या काळात काही 'पॉझिटिव्ह' गोष्टी करण्याचा प्रयत्न केला. काही यशस्वी झाले. यातून बरेच काही शिकले. (Ashok Aliseril Thamarakshan mechanical engineer from Kerala successfully builds four seater Airplane during Lockdown)

अनेकांना आपल्या कुटुंबीयांसोबत वेळ घालवण्यास मिळाला. तर जगभरात अनेकांनी पाककलेत प्राविण्य मिळवले. स्टार्टअप संकल्पनाही बऱ्याच आल्या. याचवेळी एका व्यक्तीने कमाल केली. संकटकाळातही त्यानं पॉझिटिव्ह दृष्टिकोन ठेवून घरच्या घरीच आपल्या कुटुंबासाठी चक्क विमान (Plane) तयार केलं. आता या खासगी विमानातून ते कुटुंबीयांसोबत अख्खं जग फिरताहेत.

Ashok Aliseril Thamarakshan builds Airplane in  Lockdown/ Facebook
Nashik | 4 ऑगस्टपासून नाशिक-दिल्ली थेट विमानसेवा सुरु होणार, विमान सेवेमुळे 2 तासात दिल्ली

केरळच्या अशोक अलीसेरिल थमारक्षण यांनी लॉकडाउनमध्ये (Lockdown) मिळालेल्या वेळेचा सदुपयोग केला. त्यांच्या या कृतीनं अख्ख्या जगाला एक सकारात्मक संदेश दिला. विश्रांती किंवा वेळ घालवण्याऐवजी त्यांनी लॉकडाउनच्या काळात बरेच संशोधन केले आणि घरीच विमान तयार केलं.

चार जणे बसू शकतील असे विमान तयार केले. आता या विमानातून ते जगभर भटकंती करत आहेत. याच विमानातून ते अनेक देश फिरत आहेत. जी-दिया असे या विमानाचे नाव असून, त्यांनी त्यांच्या लहान मुलीच्या नावाचे आहे.

Ashok Aliseril Thamarakshan builds Airplane in  Lockdown/ Facebook
प्लास्टिकच्या बाटल्यांपासून तयार केले पर्यावरणपूरक 'प्लास्टिक वावर'; औरंगाबादमधील तरुणींची कमाल

घरीच तयार केला 4 सीटर विमान, स्वप्न केले साकार

मूळचे केरळच्या (Kerala) अलाप्पुझा येथील रहिवासी अशोक अलीसेरिल थमारक्षण यांना हे चार आसनी विमान तयार करण्यासाठी जवळपास १८ महिने लागले. लंडनमध्ये त्यांनी हे विमान तयार केले. २००६ मध्ये अशोक हे शिक्षणासाठी यूकेमध्ये गेले होते.

लॉकडाउनच्या काळात ते घरीच होते. त्यांनी घरी राहून वेळ दवडण्यापेक्षा संशोधन केले. त्यांनी स्वतःचे चार आसनी विमान तयार केले. अशोक यांच्यासाठी संशोधन करणे, विमान तयार करण्याची संकल्पना आणि ते प्रत्यक्षात साकार करणे सहजसोपे होते, कारण ते स्वतःच एक परवानाधारक पायलट आहेत. फोर्ड कंपनीत ते काम करतात.

स्वतःचे विमान असावे असे त्यांचे स्वप्न होते. त्यासाठी त्यांनी जोहान्सबर्ग येथे स्लिंग एअरक्राफ्ट नावाच्या कंपनीच्या कारखान्याचा दौरा केला. २०१८ मध्ये ही कंपनी नवीन विमान लाँच करणार होती हे त्यांना ठाऊक होते. त्यानंतर त्यांनी स्वतःच्या विमानासाठीही एक किट तयार करण्याची ऑर्डरही देऊन टाकली.

अशोक यांनी सांगितले की, जेव्हा कधी कुटुंबीयांसाठी कुठे ये-जा करण्यासाठी प्लेन हायर करत होतो, त्यावेळी दोन आसनीच विमान मिळायचे. त्यांच्या कुटुंबात चार जण आहेत. ते स्वतः आणि पत्नी, दोन मुले असं त्यांचं कुटुंब आहे. चार आसनी विमान मोठ्या मुश्किलीनं मिळायचं. त्यामुळे त्यांनी मिळालेल्या वेळेचा सदुपयोग करण्याचे ठरवले आणि स्वतःचं चार आसनी विमान तयार करण्याचा निर्धार केला. लॉकडाउनमध्ये त्यांनी विशेष वेळ काढला. आता त्यांचे हे स्वप्न प्रत्यक्षात उतरले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com